Fatawaa

سوال نمبر1۔ صدقہ اور خیرات میں کوئی فرق ہے کہ نہیں؟ اور کیاصدقہ دیتے وقت لینے والے کو بتانا ضروری ہے؟ 

سوال نمبر2۔ کیا صدقہ کی رقم سےکسی کی تنخوا ہ یا اجرت دی جا سکتی ہے؟ اور کیا صدقہ سے مدرسے کے طلباء کو یا کسی غریب کو راشن دیا جا سکتا ہے؟ 

سوال نمبر3۔ لوگ صدقہ کا بکرا کرتے ہیں۔ اس کی اسلامی نظریہ کے مطابق کیا حقیقت ہے؟ برائے مہربانی تفصیل سے جواب دیں۔

کیا فرماتے ہیں مفتیان کرام اس مسئلہ کے بارے میں کہ میں اکثر اوقات موٹر سائیکل میں سفر کرتا رہتا ہوں اور سڑکوں پر نالوں کا گندہ پانی بہتا رہتا ہے تو اس کےچھینٹے کپڑوں پر لگ جاتے ہیں، دورانِ سفر اضافی کپڑے میسر نہیں ہوتے تو ایسی حالت میں نماز بھی پڑھنی ہوتی ہے۔ ایسی صورت میں کپڑے پاک ہو ں گے یا نہیں اور نماز درست ہوگی یا نہیں؟ اگر نہیں ہے تو پاک کرنے کا کیا طریقہ کار ہو گا؟ 

 میں نے 2019 میں اعتکاف کیا، میں مسجد میں اعتکاف کرنا چاہتی تھی لیکن گھر سے اجازت نہیں ملی اور گھر میں اعتکاف کیا، اس وقت میں اہل الحدیث کو follow کر رہی تھی اور ان کا کہنا ہے کہ عورت کا اعتکاف بھی مسجد میں ہے، میرا خیال تھا کہ کچھ نہ ہونے سے بہتر ہے گھر میں کرلوں، اور اس سال حج کا ارادہ تھا اور والد صاحب نے کہا اگر حج کے سلسلہ کے لئے نکلنا پڑے تو پہلے نیت کرتے وقت ہی شامل کر لیں، اور میں نے ایسے ہی نیت کی۔ کیا یہ اعتکاف مسنون ہے یا نفلی؟ مجھے اعتکاف کے مسائل کا علم نہیں تھا، دوران اعتکاف میں مغرب کے وقت کلی کے لئے washroom چلی جاتی اکثر، ایک روز فجر کے بعد قضاء حاجت کے بعد نیند میں محسوس ہوا کہ شاید پیشاب کے قطرے شلوار پر لگے ہیں، ممکن ہے وہ پہلے سے گیلی ہو، وہم ہوا ناپاکی کا، میں نے غسل کرلیا۔ اس سال معلوم ہوا کہ جو میں کلی کرنے کے لئے نکل جاتی تھی اس سے اعتکاف ٹوٹ جاتا ہے اور مجھے قضاء کرنی ہے، اب مجھے نہیں معلوم تھا کتنے دن کی قضاء ہے؟ تو اس سال میں نے اعتکاف کی نیت کی اور اس نیت میں شامل کیا کہ پچھلے سال میری قضاء پہلے ادا ہو ۔ دوپہر میں اعتکاف کے پہلے دن مفتی تقی عثمانی صاحب کی کتاب کا مطالعہ کرتے ہوئے معلوم ہوا، جو میری ناقص عقل کو سمجھ آیا کہ مسنون اعتکاف میں نیت یہ نہیں ہوسکتی، اور قضاء صرف ایک دن کی کرنی ہوگی اگر اعتکاف ٹوٹ گیا ہے۔ تو میں نے دعا کی یا اللہ اس اعتکاف میں، میں مسنون کی نیت کرتی ہوں اور قضاء کا مسئلہ میں رمضان کے بعد معلوم کر کے ادا کروں گی ان شاء اللہ۔

براہ کرم اب مجھے بتائیں کہ میرا پچھلا اعتکاف کون سا تھا؟ اور اس سال کون سا؟ مسنون یا نفلی؟ اور اب مجھے قضاء کتنے دن کی کرنی ہے؟ اگر بہتری اس میں ہے کہ قضاء کروں تو کتنے دن کی کروں؟ تاکہ میرا دل مطمئن ہو۔

بعض اوقات غسل کرتے ہوئے ناک میں پانی ڈالتے ہوئے محسوس ہوتا ہے کہ کچھ تری سی حلق تک چلی گئی ہو، لیکن جب محسوس ہوا تو کوشش کی کہ کھانس کر اس کو حلق سے نکال دیا جائے۔ لیکن پھر بھی اگر کچھ تری سی اندر جاتی محسوس ہو تو کیا روزہ ٹوٹ جائے گا؟ اگر ٹوٹ جاتا ہے تو اس کی قضا ہوگی؟ اور اگر یہ معلوم نہ ہو کہ کتنے روزوں میں ایسا ہوا توکس طرح قضا ادا ہو گی؟ ناک میں پانی ڈالنے میں کوئی رعایت ہے؟ ورنہ اس میں اندیشہ ہوتا ہے کہ بار بار ایسا ہوگا؟

 حدیث میں مسجد الحرام میں نماز پڑھنے کی فضیلت ایک لاکھ بیان ہوئی ہے۔ یہ فضیلت مسجد الحرام کے ساتھ خاص ہے یا حرم میں کہیں بھی نماز پڑھنے سے یہ فضیلت حاصل ہوجائے گی۔ رہنمائی فرمائیں۔ جزاک اللہ خیراً

 آپ کے ادارے میں زکوۃ سے متعلق ہونے والے آن لائن درس میں شرکت کی، جس میں مفتی صاحب نے بیان فرمایا تھا کہ زکوۃ کے مستحق شخص کو اگر کوئی چیز مالک بنا کر دی جائے مثلا راشن بیگ تو وہ شخص اس سامان کو کسی بھی طرح سے استعمال کر سکتا ہے، مثلا وہ شخص وہ سامان بیچ کر نقد پیسے استعمال کر سکتا ہے۔ دریافت یہ کرنا تھا کہ کیا یہ اصول صرف انفرادی شخص پر لاگو ہوتا ہے یا پھر کوئی تنظیم بھی ایسا کرسکتی ہے؟

میرے پاس چودہ بھینسیں ہیں، جو میں نے ستمبر سے لے کر اب تک مختلف اوقات میں خریدی ہیں اور میں نے ستمبر میں ہی فارم کے لیے پلاٹ بھی خریدا تھا اور میرا اس پلاٹ کو فی الحال بیچنے کا کوئی ارادہ نہیں ہے۔ برائے مہربانی رہنمائی فرمائیں کہ مجھے زکوٰۃ دینی ہے کہ نہیں؟ اور اگر دینی ہے تو کب دینی ہے؟ نیز میں نے ستمبر سے اب تک جو رقم دوبارہ جمع کی ہے، اس پر بھی زکوٰۃ بنتی ہے؟ میر ی رہنمائی کریں میں آپ کا انتہائی شکرگزار رہوں گا۔

 فیملی تراویح میں خواتین کو لقمہ دینے کی اجازت ہے یا وہ تالی مار کر غلطی کی طرف صرف متوجہ کرسکتی ہیں؟

ایک خاتون کینسر کی مریض ہے، اس کے علاج پر ہر مہینے پچاس ہزار روپے کا خرچہ ہے۔ اس کے تین بچے ہیں، بڑی بیٹی کی عمر پندرہ سال ہے۔ اس کے شوہر کی آمدنی پچیس ہزار ہے۔ اس کے پاس کوئی زیور نہیں، سوائے چھوٹی موٹی کیلیں یا لاکٹ کے۔ مریضہ کے باپ کے پاس دو دوکانیں ہیں، ایک پر وہ خود بیٹھ کر کماتے ہیں اور دوسری انہوں نے کرائے پر دے رکھی ہے۔ اور دو گھر ہیں، ایک میں وہ خود اوپر کے حصے میں رہتے ہیں اور نیچے مریضہ رہتی ہے، دوسرا فلیٹ ہے جو کرائے پر ہے اور اس فلیٹ میں مریضہ بھی 25 فیصد کی حصے دار ہے، یعنی مریضہ نے فلیٹ کی مد میں ۲۵ فیصد رقم ملائی تھی۔ جس وقت فلیٹ لیا تھا، اس کی قیمت تیس لاکھ تھی، تو انہوں نے تقریباً ساڑھے سات لاکھ ملائے تھے۔ اس فلیٹ کی کل مالیت پچیس سے تیس لاکھ روپے ہے۔سوال یہ ہے کہ کیا ہم زکوٰۃ کی رقم سے اس کا علاج کرواسکتے ہیں؟ 

نماز میں وہ کونسی چیزیں ہیں کہ اگر وہ رہ جائیں تو نماز نہیں ہوتی، نماز دوبارہ پڑھنی پڑے گی؟ اسی طرح وہ کونسی چیزیں ہیں جن کے رہ جانے سے سجدہ سہو لازم ہوجاتا ہے، سجدہ سہو کرنے سے نماز ہوجائے گی؟ نیز وہ کون سی چیزیں ہیں کہ اگر وہ نماز میں رہ بھی جائیں تو نماز میں کوئی فرق نہیں پڑتا نماز ہوجاتی ہے؟