Fatawaa

 میری ساس کا انتقال ہوا تو سب سامان بہن بھائیوں نے باہمی مشاورت سے بانٹ لیا تھا۔ کچھ برتن یہ کہہ کر میرے گھر رکھوادیے کہ کبھی کسی کے گھر میں دعوت یا کسی ضرورت کے وقت کوئی کمی ہو تو وہ یہ برتن منگواکر استعمال کرلیں گے، مگر ڈھائی سال میں کچھ خاص کام نہیں آئے بلکہ میں ان برتنوں کی حفاظت کی ذمہ داری سے تھک گئی ہوں، دوسرا یہ کہ یہ برتن میرے گھر میں ہیں لیکن نہ میں اس کی مالک ہوں نہ میرے شوہر۔ ساس کے ساتھ میں رہتی تھی اور یہ چیزیں میرے استعمال میں تھیں اور مجھے اب بھی ا ن کی ضرورت ہے کیوں کہ میرے شوہر کی جاب بھی نہیں ہے۔ اب جبکہ کسی اورکو ان کی ضرورت بھی نہیں ہے اور میں بھی یہ مسئلہ اٹھانا نہیں چاہتی کہ ان کو بانٹ لیا جائے تو ایسی صورت میں میں کیا کروں؟ میرے شوہر کہتے ہیں کہ تم انہیں استعمال کرلو لیکن یہ بات میرے دل کو نہیں لگتی، اور کیا سب کو سامان دے کر بٹوارہ کردوں یا شوہر کی بات مان لوں کہ وہ بھی تو اولاد ہی ہیں۔برائے مہربانی میرے مسئلے کا حل بتا دیں۔

 کچھ عرصہ قبل ایک سوال پوچھا تھا کہ اگر کسی خاتون کو طواف زیارت سے پہلے حیض آنا شروع ہوجائے اور اسی حالت میں اسے واپس آنا پڑجائےتو وہ شوہر کےلیے حلال ہوگی یا نہیں؟ تو جواب میں یہ بات ذکر کی گئی تھی کہ اگر طواف زیارت کیا ہی نہیں اور خاتون اپنے ملک واپس آگئی تو ایسی صورت میں وہ اپنے شوہر کے لیے حلال نہیں ہو گی اور اس پر لازم ہے کہ اسی احرام سے مکہ مکرمہ جا کر طواف زیارت کرے اور اس تاخیر پر ایک دم (چھوٹا جانور یا بڑے جانور کا ایک حصہ ) دے از خود طواف زیارت کیے بغیر وہ کبھی بھی اپنے شوہر کے لیے حلال نہیں ہو گی اور اگر موت تک طواف زیارت کرنے کا موقع نہ ملے تو اپنے مال سے ایک گائے یا اونٹ کی قربانی کی وصیت کرنا واجب ہو گا۔طواف زیارت کیے بغیر حلال نہ ہونا کئی احادیث سے ثابت ہے نیز اس پر علماء کا اجماع بھی ہے۔ لیکن سوال یہ ہے کہ اب اس عورت کے اپنے شوہر سےپانچ چھ بچے ہوچکے ہیں اور اس واقعہ کو بھی دس سال سے زیادہ عرصہ ہوچکا ہے تو اب اس کی اولاد کا کیا حکم ہوگا؟ مزید یہ کہ اسی طرح اگر کسی مرد کو طواف زیارت کے بغیر آنا پڑجائے تو کیا وہ بیوی کےلیے حلال ہوگا؟

آج کل ایک بیماری عام ہورہی ہے جسے کورونا وائرس کہا جارہا ہے، اس سے اور دیگر بیماریوں سے بچنے کےلیے ایک دعا ہے، جو شخص وہ دعا پڑھتا ہے اللہ تعالی اس کی حفاظت فرماتے ہیں۔ وہ دعا یہ ہے: الحمد لله الذي عافاني مما ابتلاك به وفضلني علی كثير ممن خلق تفضيلا. سوال یہ ہے کہ اس دعا کی جو فضیلت اوپر ذکر ہوئی کیا یہ حدیث سے ثابت ہے؟

 مندرجہ ذیل  سوالات کے جوابات درکار ہیں:

۱۔کیا عدالتی خلع  کے بعد ایک طلاق واقع ہوتی ہے یا دو؟

۲۔کیا عدالتی خلع کے بعد طلاق  رجعی ہوتی ہے؟ یعنی شوہر رجوع کر سکتا ہے؟

۳۔عدالتی خلع کے بعد کتنی عدت ہوتی ہے؟ اس عدت کے دوران  شوہر رجوع کر سکتا ہے؟

ایک پوسٹ موصول ہوئی جس میں صحیح مسلم کے حوالے سے ایک حدیث شریف مذکور تھی جس کا مضمون یہ تھا:’’ جس گھر کے دروازے رشتہ داروں کےلیے بند ہوں اور جس گھر میں رات کو دیر تک جاگنے اور صبح کو دیر سے اٹھنے کا رواج ہوجائے تو وہاں رزق کی تنگی اور بےبرکتی کو کوئی نہیں روک سکتا۔‘‘ اس حدیث کے بارے میں بتائیے کیا یہ صحیح ہے؟ 

 رسول اللہﷺ کا ارشاد ہے کہ ’’میں علی سے ہوں اور علی مجھ سے ہے‘‘۔ اس روایت کے حوالے سے رہنمائی فرمائیے، کیا یہ روایت درست ہے؟

 میں نے سنا ہے کہ اگر کوئی مزدور وغیرہ ہے جس کے لیے محنت و مشقت کے باعث  رمضان کے روزے رکھنا مشکل ہے ،تو اس کو بھی روزے چھوڑنے کی اجازت نہیں ہے، اس کا حکم ایک مفتی صاحب نے بتایا تھا کہ وہ رمضان کا روزہ رکھے گا لیکن جب روزے کے دوران اس کی حالت بہت بگڑ جائے، بےہوش یا مرنے والی حالت ہوجاہے تو وہ اپنا روزہ افطار کرلے گا وہ ہر روز ایسا ہی کرے گا اور بعد میں جو روزے اس مجبوری کی وجہ سے کھولے  تھے ان کو پورا کرے گا کیونکہ وہ روزہ رکھنے کی استطاعت رکھتا ہے لیکن کام کی سختی کی وجہ سے اس کو جاری نہیں رکھ پاتا، سوال یہ ہےکہ اسی مجبوری والی صورت کے تحت گھر میں کام کرنے والی ملازمہ کو بھی یہی مشہورہ دے سکتے ہیں؟

سوال نمبر۱: روزے کی حالت میں ناف میں تیل یا کوئی دوا وغیرہ لگائی جاسکتی ہے؟

سوال نمبر۲: جماعت میں اگر اگلی صف مکمل ہوگئی اور پچھلی صف بنانی ہے اور بعض لوگ وضو کررہے ہیں، امام صاحب رکوع میں چلے گئے ہیں تو کیا اکیلا آدمی ان کے ساتھ شامل ہوسکتا ہے؟ کیا اس کو رکوع میں چلا جانا چاہیے یا بقیہ لوگوں کے آنے تک نماز شروع نہ کرے؟ نیز اگر کسی نے ایسے نماز پڑھی ہے تو اب اس کا کیا حکم ہے؟

 بہت سے لوگ سحری کا ٹائم ختم ہونے کے بعد اذانوں تک کھاتے رہتے ہیں اور بہت سے اذانوں کے بعد تک کھاتے ہیں، ايسے لوگوں کے لیے شریعت کیا کہتی ہے؟ رہنمائی فرمائيں۔ شکریہ

 کسی کا روزہ تھا اور ان کو روزہ یاد تھا ، مگر یہ علم نہیں تھا کہ روزے میں برش نہیں کرتے، انہوں نے اس حال میں برش کرلیا، اب روزہ ہے یا نہیں۔ نیز قضا اور کفارے کا حکم بھی بتائیے۔