Fatawaa

میرے دوست کی پھوپھو کا انتقال ہوگیا ہے، ان کے نہ والدین زندہ ہیں اور نہ اولاد۔ پھوپھو کو ملاکر کل تین بہنیں اور دو بھائی تھے، جن میں سے ایک بہن زندہ ہے باقی سب کا انتقال ہوچکا ہے، ایک مرحومہ بہن کے دو بیٹے اور ایک بیٹی ہیں اور ایک مرحوم بھائی کا ایک بیٹا ہے، جبکہ دوسرے مرحوم بھائی کی کوئی اولاد نہیں ہے۔ سوال یہ ہے کہ کیا کل اثاثے کی حق دار بہن ہوگی یا باقی مرحوم بہن بھائیوں کی اولاد میں بھی تقسیم ہوگی؟

میری بیوی اپنے بھائی کے گھر ملنے کےلیے ٹیکسلا گئی، جب وہاں پہنچی تو اس نے مجھ سے مطالبہ کیاکہ اگر تو میانوالی یا قمرشانی جگہ لے تومیں آؤں گی ، اگر جلال پور میں لے گا تو میں نہیں آتی۔ میں نے کہا کہ اگر تجھے منانے میں، میری ماں یا میرا بھائی یا کوئی بھی میری طرف سے تیری ماں یا تیرے بھائی یا بہن کے پاس گئے تو میری طرف سے تمہیں طلاق ہوگی، میں حلفًا کہتا ہوں کہ میں نے یہ الفاظ صرف ایک مرتبہ کہے ہیں۔ اس واقعہ سے قبل بھی میں ایک طلاق دے چکا ہوں۔ طلاق کو ان الفاظ (میری طرف سے طلاق ہوگی) کے ساتھ معلق کرنے سے طلاق ہوگی یا دھمکی طلاق ہے؟ اس مسئلہ میں میری رہنمائی فرمائیے۔

میں ایک اپارٹمنٹ بلڈنگ میں رہتاہوں اور بلڈنگ کی مینٹینس کمیٹی کا حصّہ ہوں۔ بلڈنگ کے انتظامی معاملات چلانے کے لیے ہمیں فنڈز درکار ہوتے ہیں، جو کہ رہائشی کمیٹی کے لیے طے شدہ ضابطے کے مطابق ادا کرتے ہیں۔ بروقت فنڈز کی وصولی کے لیے کوشش کی جاتی ہے، لیکن ایسے رہائشی جو بروقت رقم ادا نہیں کرتے یا نہیں کرپاتے ان سے جرمانہ لیا جاتا ہے۔ جرمانہ کی رقم بلڈنگ ہی کی انتظامی معاملات میں خرچ ہو تی ہے،کسی تنخواہ کی مد میں نہیں۔ سوال یہ ہے کہ کیا جرمانہ لینا درست ہے؟ اگر جرمانہ عائد نہ کیا جائےتو رہائشی وقت پر ادائیگی نہیں کرتے جس کی وجہ سے شدید مالی بحران کا خدشہ ہوسکتا ہے۔ اس معاملے میں رہنمائی فرمائیے۔ جزاک اللہ

میرا سوال سود سے متعلق ہے، اگر کوئی بینک سے گھر کے لیے قرض لیتا ہے جس کا دورانیہ مختلف ہوتا ہے لیکن واپسی قرضے کی اصل رقم سے زیادہ ہے۔ لینے والا شخص گھر کے کرائے کے مد میں جو پیسے دیتا تھا وہی رقم یہ سوچ کر قسط ادا کرتا ہے کہ کم ازکم چند سالوں بعد گھر تو اپنا ہوجائے گا ،  بیشک دگنی رقم ادا کرنی پڑے۔ تو کیا یہ سود ہے؟ آسٹریلیا میں یہ طریقہ رائج ہے، جبکہ مجھے اللہ سے خوف آتا ہے اگر میں یہ طریقہ اختیار کروں۔

میرے دوست کی بیوی جاب کرتی ہے اور اپنے ضروری اخراجات جیسے آفس کے کپڑے وغیرہ شوہر سے مانگتی ہےاور اپنی سیلری سے خرچ نہیں کرتی، جبکہ شوہر گھر کے دیگر اخراجات بھی کررہا ہوتا ہے تو ایسی صورت میں شوہر کی کیا ذمہ داری بنتی ہے؟

سوال: السلام علیکم! کیا فرماتے ہیں مفتیان کرام اس بارے میں کہ اگر دو شخص باہم رضامندی سے قربانی کے لیے جانور بیچنے کے حوالے سے اس طرح معاملہ طے کریں کہ ایک شخص جانور خریدے گا اور دوسرا شخص (خریدنے والے سے خرچہ لیے بغیر) ان کو پالے گا اور جب ان میں سے کسی جانور کو بیچا جائے گا تو پہلے وہ قیمت جو جانور کو خریدتے وقت ادا کی گئی تھی اس کو الگ کرکے اسے دی جائیگی جس نے وہ جانور خریدا تھا اور پھر منافع کو آدھا آدھا تقسیم کیا جائے گا تو کیا ایسا معاملہ درست ہوگا؟