دارالافتاء والارشاد - يسئلونك
سوال:السلام علیکم! مورڈ گيج كے بارے ميں بتائيے كيا يه صحيح هے؟کینیڈا میں گھر خریدنا چونکہ مشکل ہوتا ہے اس لیے حکومت کی طرف سے مورڈ گیج کی صورت میں ایک آسانی فراہم کی گئی ہےاور كچھ حضرات سے سنا هے كه اگر ایک گھر لیا جائے مورڈ گیج کے ذریعے سے تو یہ جائز ہے۔ آپ رہنمائی فرمادیجیے۔
دارالافتاء والارشاد - يسئلونك
سوال: اگر کوئی مسلمان مرد ہوش و حواس میں ایک سے زیادہ بار خدا تعالیٰ اور رسالت کا انکار کردے اور دین کو انسانی تخلیق قرار دے دے تو اس صورت میں اس کی بیوی کو کیا کرنا چاہیے؟ کیا نکاح فسخ ہوگیا یا رشتے کو مکمل حرام ہونے کے لیے تین طلاق کہنا بھی ضروری ہوگا؟ اگر وہ مرد توبہ کرکے کلمہ پڑھے تو تجدیدِ نکاح کرنا ہوگا؟
دارالافتاء والارشاد - يسئلونك
سوال : السلام علیکم! ایک خاتون جو کہ مغربی ملک میں مقیم ہے اور اس کے چار چھوٹے بچے ہیں، اس کے شوہر نے اچانک اس کو تین طلاقیں دے دی ہیں۔ اس کے لئے عدت کا کیا طریقہ ہو گا؟ جبکہ وہاں اس کا کوئی اور رشتے دار نہیں ہے نا ہی وہ بچوں کو لے کر فوراً پاکستان آ سکتی ہے۔ کیا وہ شوہر کے گھر میں الگ رہ کر حیض پورے کر سکتی ہے؟
دارالافتاء والارشاد - يسئلونك
خلع کے سلسلے میں کچھ سوالات کے جوابات درکار ہیں ۔برائے مہربانی رہنمائی فرمائیں ۔
سوال نمبر 1:خاتون کی اپنے شوہر سے کافی عرصے سے علیحدگی ہوچکی ہے ۔خاتون نے عدالت کے ذریعے خلع حاصل کرلی ۔کیا طویل عرصے تک علیحدگی کے بعد بھی خلع کے بعد عدت پوری کی جائے گی ؟
سوال نمبر 2:عدالت کے ذریعے سے خاتون کو خلع مل گئی لیکن شو ہر نے اس سلسلے میں قانونی نوٹس کے باوجود عدالت میں حاضری نہیں دی جس کی وجہ سے عدالت نے خاتون کے حق میں خلع کا فیصلہ دے دیا ۔اب شوہر کا کہنا یہ ہے کہ میں نے تو طلاق دی ہی نہیں اور نہ میں طلاق دینا چاہتا ہوں لہذا طلاق واقع نہیں ہوئی ۔اس صورت میں کیا حکم ہے کہ آیا خلع واقع ہوگئی یا نہیں ؟
سوال نمبر 3:اگر دو طلاق کے بعد مقررہ مدت میں رجوع نہیں کیا جائے تو کیا تیسری طلاق واقع ہوجاتی ہے ۔دو طلاق کی عدت پوری کی ہے اب تیسری طلاق کی صورت میں عدت کی مدت کیا ہوگی ؟
دارالافتاء والارشاد - يسئلونك
سوال:السلام علیکم! میں کراچی میں ایک (buying house) چلاتا ہوں (ایک ملک کی مارکیٹ سے بیرون ملک مقیم لوگوں کے لئے چیزیں خرید کربرآمد کرنے کا ادارہ)، اور لوگوں کے آرڈر پورے کرکے بھجوانے پر مجھے کمیشن ملتا ہے۔امریکہ میں میرا گاہک انڈر انوائسنگ کرتا ہے (زیادہ مالیت کی اشیاء کی قیمت کم ظاہر کرتا ہے تاکہ ٹیکس کم دینا پڑے)، اور جو کچھ ٹیکس میں بچت ہوتی ہے اس سے وہ میرا کمیشن دیتا ہے۔ جب ہم نے یہ کاروبار شروع کیا تھا، تو میں نے ہی اس کو ایسا کرنے کا مشورہ دیا تھا، جو کہ میری غلطی تھی۔براہ کرم میری رہنمائی فرمائیں کہ کیا یہ رقم استعمال کی جاسکتی ہے، اور کیا اسے حلال آمدنی شمار کیا جا سکتا ہے کیوں کہ یہ کام ایک غیر مسلم ریاست میں ہو رہا ہے؟اگر یہ غلط ہے تو کیا اس رقم کو صدقہ میں دیا جاسکتا ہے، یا یہ رقم لینامکمل طور پرناجائز ہے ؟
امید ہے کہ اوپر کئے گئے سوالات واضح ہیں۔
دارالافتاء والارشاد - يسئلونك
سوال نمبر 1:برائے کرم یہ بتائیں کہ اگر طلاق زبردستی دلوائی جائے یعنی مرد طلاق نہ دینا چاہتا ہو لیکن لڑکی کے خاندان والے اُسے دھمکیاں دیں اور اپنی زندگی بچانے کے لئے وہ طلاق کے کاغذات پر دستخط کردے تو کیا ایسی طلاق اسلام میں جائز ہوگی؟
سوال نمبر 2:کورٹ کی طرف سے خلع کی کیا حیثیت ہے ۔کیا یہ اسلام میں قابل قبول ہوگی؟
دارالافتاء والارشاد - يسئلونك
سوال: گزارش عرض ہے کہ میری خالہ نے خلع لی ہے ۔لہذا انہیں اپنی عدت کے بارے میں معلوم کرنا ہے کہ کس تاریخ ختم ہوگی۔وہ 29 نومبر (6صفر) مغرب سے پہلے عدت میں بیٹھی تھیں ۔ ان کی عمر 50سال ہے اور کافی وقت ہوگیا کہ ماہواری بھی بالکل نہیں ہوتی ۔برائے مہربانی عدت کے ختم ہونے کی متعین اسلامی اور انگریزی تاریخ بتادیجئے ؟
دارالافتاء والارشاد - يسئلونك
سوال : میں مکان بنا کر فروخت کرتا ہوں اور پلاٹ وغیرہ لے کر آگے پرافٹ پر سیل کردیتا ہوں ۔میرے ماموں میرے ساتھ اپنی رقم لگانا چاہتے ہیں اس کام میں وہ خود شریک نہیں ہوں گے صرف رقم دیں گے اور پرافٹ کا کچھ حصہ میں رکھ لوں گا جواُن کے ساتھ طے ہوگا وہ شارجہ میں نوکری کرتے ہیں اور بینک سے قرضہ لیتے رہتے ہیں ۔اب بھی قرضہ میں ہے جس سے وہ رقم مجھے دیں گے ۔شرعی طور پر کیا یہ درست ہے ۔کیا میں ایسا کرلوں؟
دارالافتاء والارشاد - يسئلونك
السلام علیکم! میرے والد صاحب کا سودی بینک میں کریڈٹ کارڈ اکاؤنٹ ہے ۔وہ اپنے واجبات ہر مہینہ مقررہ تاریخ سے پہلے جمع کرواتے ہیں ۔ لہذا سود ادا نہیں کرنا پڑتا (میں پھر بھی اس کو پسند نہیں کرتا)انہیں بینک کی طرف سے کارڈ استعمال کرنے پر تحفتاً پوائنٹس ملتے ہیں جنہیں خریداری کے وقت یا پیٹرول بھرواتے وقت استعمال کرسکتے ہیں ۔
سوال نمبر 1:کیا مقررہ تاریخ سے پہلے واجبات ادا کرنے اور سود سے بچنے کی صورت میں کریڈٹ کارڈ استعمال کرنا جائز ہے ؟
سوال نمبر 2:کیا بینک کی طرف سے تحفتاً دیے گئے پوائنٹس جائز ہیں ؟
جواب نمبر 3:اگر میرے والد یہ پوائنٹس کسی کو تحفتا ً دے دیں تو کیا اس شخص کے لئے یہ جائز ہوں گے ؟
دارالافتاء والارشاد - يسئلونك
سوال:میرا سوال یہ ہے کہ ایک لڑکی جو کہ رومانی ایسٹرن یورپین ملک کی رہائشی ہے ۔انگلینڈ میں ایک پاکستانی لڑکے نے پیسوں کی لالچ دے کر اس کو مسجد میں زبانی کلمہ بھی پڑھایا اور نکاح بھی ۔لیکن دونوں جانتے تھے کہ یہ جھوٹ ہے اور دونوں نے کبھی ہم بستری نہیں کی۔کچھ عرصے بعد وہ لڑکی واپس اپنے ملک چلی گئی اور یہ لڑکا یہیں رہا۔اب سوال یہ ہے کہ وہ لڑکی باقاعدہ طور پر اسلام کو پڑھنے کے بعد مسلمان ہونا چاہتی ہے اور ظاہر ہے شادی بھی کسی مسلمان بھائی سے کرے گی۔تو کیا اس کو پہلے لڑکے کو ڈھونڈ کر اس سے طلاق لینی ہوگی کیا اس نکاح کی کوئی شرعی حیثیت ہے؟