Fatawaa

جماعت کی نماز میں اگر ہر فرد چھ فٹ کے فاصلے سے کھڑا ہو تو اسے لغت کے اعتبار سے جماعت کیسے کہیں گے؟ اور چھ فٹ کے فاصلے سے جماعت کے ساتھ نماز پڑھنا لغت کے اعتبار سے بدعت ہے یا نہیں؟ نیز یہ بھی بتائیے کہ علماء کرام نے حکومت کے خوف سے یہ کیوں فتوی دیا کہ چھ فٹ کے فاصلے سے جماعت کی نماز پڑھی جائے، اسے بدعت کیوں نہیں کہا؟

 مندرجہ ذیل حدیث کی اِسنادی حیثیت کی بابت دریافت کرنا ہےکہ آیا یہ حدیث مستند ہے یا نہیں؟

اللہ کے نبی ﷺنے فرمایا: جوبندہ اذان اور اقامت کے درمیان یہ دعا پڑھ لے (جو دس پندرہ منٹ کا وقفہ ہوتا ہےاس وقفہ میں) اَللهُمَّ اِنِّی اَسْئَلُکَ الْعَفْوَ وَالْعَافِیَةَ فیِ الدُّنْیَا وَالْاٰخِرَةِ۔ اس کو اللہ چار انعام دیں گے۔

(۱)اللہ تعالٰی اسے ایسی بیماری نہیں لگنے دے گا جس سے موت آ جائے،یعنی خطرناک بیماری سے محفوظ رہے گا۔ (۲)اللہ تعالٰی اس کو تنہائی کے گناہ سے بچائے گا۔ (۳)اللہ تعالٰی اس کو ظالموں سے دور رکھے گا۔ (۴)اللہ تعالٰی اس کو بغیر محنت کے آسان روزی عطا فرمائے گا۔

 خلیجی ممالک میں کورونا صورتحال کی وجہ سے حکومت نے مسجد بند کردی تو عید الفطر کی نماز گھر میں پڑھی جاسکتی ہے؟

کیا نابالغ، نماز کے لیے اذان دے سکتا ہے؟ اور اگر نہیں تو اہل محلہ یا امام مسجد کے اذان کے معاملے میں نابالغ بچوں پر انحصار کرنے کی شرعی حیثیت کیا ہے؟ 

درج ذیل حدیث  سنن ابوداؤد کے حوالے سے موصول ہوئی ہے اس کے بارے میں بتائیے ، کیا یہ صحیح ہے:

حضرت ابو امامہ رضی اللہ عنہ سے روایت ہے کہ رسول اللہ ﷺ نے فرمایا: جو اپنے گھر سے وضو کرکے فرض نماز کے لیے نکلے تو اس کا ثواب احرام باندھنے والے حاجی کے ثواب کی طرح ہے اور جو صلاۃ الضحی کے لیے نکلے اور اسی کی خاطر تکلیف برداشت کرتا ہو تو اس کا ثواب عمرہ کرنے والے کےثواب کی طرح ہے اور ایک نماز سے لے کر دوسری نماز کے بیچ میں کوئی لغو کام نہ ہو تو وہ علیین میں لکھی جاتی ہے۔

 کل جمعہ کی نماز سے قبل محلے کی مسجد کے امام صاحب نے فرمایا کہ ماسک پہن کر نماز نہیں ہوتی، ناک اور چہرا دوران نماز ڈھکا ہوا نہیں ہونا چاہیے۔ جن افراد نے بھی ماسک پہنا ہوا ہے اتار دیں۔ برائے مہربانی اگر کسی مستند حوالے سے اس بات کی تصدیق کردیں۔

 جمعہ کی فرض نماز سے پہلے چار رکعت سنتیں پڑھنا کسی ٹھوس دلیل سے ثابت ہیں؟ اس پر صحیح دلائل ہیں یا نہیں؟ اہل حدیث اس کو بدعت کہتے ہیں کہ ابن تیمیہ رحمہ اللہ نے اس کو بدعت کہا ہے۔

 کیا فرماتے ہیں مفتیان کرام اس مسئلے کے بارے میں کہ مسجد میں نماز جنازہ ادا کرنا اس طور پہ کہ میت، امام اور چند مقتدی مسجد سے باہر ہوں اور باقی حضرات مسجد کے اندر ہوں،جائز ہے یا نہیں؟

 ہمارے یہاں امریکا میں مساجد بند ہیں، ان میں نماز باجماعت کی ادائیگی پر پابندی ہے،  میدان اور پارک وغیرہ میں بھی جماعت نہیں کرائی جاسکتی، چار افراد سے زیادہ لوگوں کو جمع نہیں ہونے دیتے۔ اس صورت حال میں عید کی نماز  کےلیے حکومت کی طرف سے یہ اجازت ہے کہ مسجد کا جو پارکنگ پلاٹ ہے اس میں امام سامنے کھڑا ہو، نماز، خطبہ وہ سب کے سامنے ادا کرے گا، باقی لوگ اپنی گاڑیاں قبلہ رخ کھڑی کرکے گاڑیوں میں ہی نماز ادا کریں۔ کیا موجودہ حالات میں اس طرح نماز اگر پڑھ کی جائے تو درست ہوجائے گی؟