Fatawaa

 کیا فرماتے ہیں مفتیان کرام اس مسئلے کے بارے میں کہ مسجد میں نماز جنازہ ادا کرنا اس طور پہ کہ میت، امام اور چند مقتدی مسجد سے باہر ہوں اور باقی حضرات مسجد کے اندر ہوں،جائز ہے یا نہیں؟

نماز جنازہ کا اصل حکم یہ ہے کہ مسجد کے باہر جنازہ گاہ یا کسی اور کھلی جگہ نماز پڑھی جائے، مسجد میں نہ پڑھی جائے، کیونکہ بلا ضرورت مسجد میں نماز جنازہ پڑھنا مکروہ ہے۔ البتہ اگر مسجد کے باہر جنازہ پڑھنے کی جگہ نہ ہو تو مجبوری کی صورت میں میت کو مسجد سے باہر رکھ کر امام اور چند مقتدی باہر کھڑے ہوں اور بقیہ نمازی مسجد کے اندر کھڑے ہوکر جنازہ پڑھیں تو شرعاً اس کی گنجائش ہے، اس پر عمل کرلیا جائے۔

فتوی نمبر: 4412