Fatawaa

سوال:السلام علیکم! مسجد کے صحن میں کوئی کھیل کھیلنے کا شرعی حکم کیا ہے؟ مثال کے طور پر بیڈمنٹن کھیلنا، خاص طور پر جب کے صحن کچا ہے اور خالی پڑا ہوا ہے۔ یعنی کہ نماز وغیرہ صحن  کے اگلے حصے میں یا اندر ادا کی جاتی ہے تو بقیہ صحن میں کھیل کا حکم کیا ہو گا؟

سوال:السلام علیکم!مجھ پر اس سال کی زکوۃ دو لاکھ روپے ہے، ایک صاحب کو سوالاکھ روپے ہم نے قرض دیا ہوا ہے جس کا ہمیں یقین ہے کہ وہ رقم ہمیں واپس نہیں کرسکتے تو اگر میں وہ رقم ان کو معاف کردوں تو کیا یہ زکوۃ کی رقم میں سے شمار کی جاسکتی ہے کہ اسے منہا کرکے بقیہ زکوۃ کی رقم ادا کردوں؟

سوال:السلام علیکم!اگر کوئی عورت ملازمت کرنا چاہے اور ٹیچر یا ڈاکٹر بننے کا شوق ہوتو کیا یہ غلط ہے؟ آج کل کے اس دور میں میری خواہش ہوتی ہے کہ میں اپنی بیٹی کو خاتون ٹیچر سے پڑھواؤں اور خاتون ڈاکٹر سے چیک اپ کرواؤں تو جب ہم آگے سے اپنی بچیوں کو پڑھنے ہی نہ دیں اور نہ ملازمت کرنے دیں تو کیا یہ مناسب ہے؟ اگر پردے کا انتظام ہو اور اسکول بھی دینی تعلیم دیتا ہو تو کیا ایسی جگہ بھی ملازمت کرنا جائز نہ ہوگا؟

سوال: السلام علیکم!میں نے کھڑکیاں خریدی تھیں تیرہ لاکھ   کی، اس میں سے پانچ لاکھ ادا کرچکا ہوں آٹھ لاکھ باقی ہیں جب کہ کھڑکیاں میرے پاس آچکی ہیں اوراب  میرا زکوۃ ادا کرنے کا وقت آچکا ہے تو یہ آٹھ لاکھ روپے بھی زکوۃ میں شامل ہوں گے یا انہیں منہا کیا جائے گا؟

سوال: السلام علیکم! میرے کچھ جاننے والے علوی ہیں، مجھے ایک کام تھا تو میں نے کہا کہ اگر میرا یہ کام ہوگیا تو میں ان کو پانچ ہزار روپے دوں گی۔ بعد میں مجھے کسی نے بتایا کہ یہ بات کہنا منت ہوگئی اور اس کو پورا کرنا واجب ہے، نیز یہ بھی سننے میں آیا کہ زکوٰۃ ومنت وغیرہ کی رقم  سید، علوی خاندان وغیرہ کو نہیں دی جاسکتی۔ سوال یہ ہے کہ اب میرے لیے کیا حکم ہے؟ میں نے صرف اسی فیملی کی نیت کی تھی، نیز یہ رقم کوئی زکوٰۃ وغیرہ کی رقم نہیں ہے بلکہ ویسے ہی ایک رقم ہے۔ دو ہزار میں ادا بھی کرچکی ہوں، اب رہنمائی فرمائیں کہ کیا کروں؟