Fatawaa

میرے دادا نے انتقال سے قبل اپنی تمام جائداد اپنے ایک بیٹے کو تحفۃً دے دی اور وہ بیٹا ان کو نہ نہیں کہہ سکا، کیوں کہ وہ اپنے والد کی خلاف ورزی نہیں کرنا چاہتا تھا، کیوں کہ وہ سب سے فرمانبراد بچہ تھا اور ان کی پوری زندگی ان کا خیال رکھا۔ لیکن اب فیملی کے دوسرے لوگ کہہ رہے کہ یہ غلط فیصلہ ہے اور اسے اس کو قانون کے مطابق تقسیم کرنا چاہیے۔ اب اس بیٹے کو کیا کرنا چاہیے؟ اور اگر وہ تقسیم نہیں کرے گا تو کیا یہ گناہ ہوگا؟ یا اس کے لیے درست ہے کہ تمام جائداد خود رکھ لے۔ 

زندگی میں اپنی جائداد اولاد کو دینا ہبہ ہے۔ اس میں اولاد میں برابری کرنا مستحب ہے۔ کسی وجہ ترجیح (دینداری، خدمت، احتیاج وغیرہ) کے بغیر کسی کو زیادہ دینا جائز نہیں، یہ گناہ کا کام ہے۔

صورت مسئولہ میں اگر والد نے اپنی زندگی میں پوری جائداد ایک بیٹے کو دے کر مالک بنادیا اور خود اس سے لا تعلق ہوگیا، تو وہ بیٹا اس کا مالک بن گیا، لیکن والد گناہ گار ہوکر مرا۔ بیٹے کو اب دوباتوں کا اختیار ہے، پوری جائداد اپنے پاس رکھے اور تقسیم نہ کرے، یا اپنے والد کو گناہ سے بچانے کے لیے کل یا بعض جائداد ورثاء میں تقسیم کرے۔

فتوی نمبر: 4553