Fatawaa

ایک شخص جو دین کی تبلیغ کی طرف مائل رہا ہو اور اپنے گھر میں تمام دین پر عمل کی کوشش بھی کرتا رہا ہو، لیکن بیروزگاری کی آزمائش آنے کے بعد اللہ کی طرف رجوع کرنے کی بجائے سگریٹ نوشی شروع کردے اور ماں، بیوی، بہن کے روکنے کے باوجود اس لت میں مبتلا رہے تو اس کے لیے کیا حکم ہے؟

تبلیغ دین میں لگے رہنا اور مکمل دین پر عمل کرنے کی کوشش کرنا باعث فضیلت ہے۔ چنانچہ مالی تنگیوں اور مصائب میں مبتلا ہونے کے بعد ایسے شخص کو بطریق اولیٰ  رجوع الی اللہ کی طرف اور زیادہ مائل ہونا چاہیے تھا۔ سگریٹ نوشی اچھی عادت نہیں، صحت کےلیے بھی نقصان دہ ہے، گھر والوں کا اسے سمجھانا درست ہے۔ اسے چاہیے کہ اچھی نصیحتوں پر عمل کرے۔ اور مالی آزمائش میں سرخرو ہونے کے لیے  اللہ تعالیٰ کے حضور خوب گڑگڑا کر دعا مانگے تاکہ اللہ تعالیٰ اس پر سے اس آزمائش کو دور فرمادے۔

فتوی نمبر: 4400