Fatawaa

ايک عورت کا آپريشن کرنے سے بچہ پيدا ہوا، اب اس عورت کى مدتِ نفاس کيا ہوگى؟ عدمِ رؤىتِ دم کى وجہ سے شوہر بحالتِ مجبورى غلبہ شہوت کى وجہ سے جماع کرسکتا ہے ىا نہىں؟ 

مذكورہ صورت مىں اگرىہ عورت معتادہ ہے، یعنی اس کے یہاں پہلے بھی ولادت ہوئی اور اس کی نفاس کی اور نفاس کے بعد طہر کی عادت مقرر ہے، تو اپنی سابقہ عادت کے موافق نفاس اور طہر کے دن شمار کرے گی، اوراگرىہ عورت مبتدأہ ہے ىعنى اس كے ىہاں پہلى بار بچہ کی ولادت ہوئى، تو چالس دن كے اندر اندر آنے والاخون نفاس كہلائے گا، اگر خون چالىس دن پورے ہونے سے پہلے بند ہوجائے تو ىہ عورت پاك كہلائے گى اور اگر چالىس دن كے بعد بھى خون جارى رہے تو چالىس دن بعد آنے والا خون استحاضے كا خون كہلائے گا، اس كا حكم ىہ ہے كہ ىہ عورت چالىس دن پورے ہونے پر غسل كرے اور اس كےبعد نماز پڑھے اور ہر نماز كے لىے نىا وضوكرے۔

لہذا مذكورہ تفصىل كے مطابق عورت معتادہ ہو ىا مبتدأہ، نفاس  كى مدت کا تعىن كركے عمل كرلىا جائے۔ جو دن نفاس کے ہوں گے، ان مىں جماع كرناجائز نہىں اور جو دن طہر کے ہوں گے، اُن میں جماع كرنا درست ہے، البتہ دخول كے بغىر استمتاع جائز ہے، ىعنى ناف سے گھٹنوں تك كپڑا ركھ كر كپڑے كے اوپر سے اوربقیہ تمام بدن سے لذت حاصل كرنا درست ہے، اوریہ صورت بالاتفاق جائز ہے، اورحالتِ حىض ىا نفاس مىں جماع كرنا ىا ناف سے گھٹنوں تك كى جگہ سے بلا حائل ہاتھ وغىرہ سے لذت حاصل كرنا، یہ دونوں صورتیں بالاتفاق حرام ہیں۔ (درس ترمذى بتصرف: ۱/۳۸۹) تاہم اگر چالىس دن سے پہلے خون بند ہوجائے تو مستحب ىہ ہے كہ غسل كے بعد صحبت كى جائے۔

فتوی نمبر: 4626