شاہ ولی محدث دہلوی ؒکے دینی فضل و کمال کے بیان میں یہ بات کافی ہے کہ ہندوستان کی تقریباً ہر علمی سند آپ کا نام دہراتی ہے ۔مزید یہ کہ آپ جس درجےطریقت میں باکمال تھے اسی درجے شریعت میں بھی اعلیٰ مقام رکھتے تھے۔شاہ ولی اللہ ؒ ۱۰ فروری ۱۷۰۳ء کو بھارت کے ضلع مظفر نگر کے ایک گاؤں پھلت میں پیدا ہوئے  ۔ آپ کے والد محترم شاہ عبد الرحیم ؒبھی ایک بڑے عالم اور پاک باطن بزرگ تھے اور انہیں صوفیاء میں بلند مقام حاصل تھا ۔ شاہ صاحب ؒکا سلسلۂِ نسب اپنے والدِ محترم کی طرف سے حضرت عمر فاروقؓ اوروالدۂ محترمہ کی جانب سے حضرت موسیٰ کاظم ؒ سے جاملتا ہے۔ آپ ؒ نے ابتدائی تعلیم اپنے والدِ محترم ہی سے حاصل کی ۔ پانچ سال کی عمر میں آپ کو مدرسہ رحیمیہ میں داخل کروادیا گیا ۔  سات برس کی عمر میں قرآن پاک حفظ کرنے کے بعد عربی اور فارسی کی تعلیم حاصل کرنا شروع کردی اورکم عمری ہی میں کثیر المطالعہ ہوگئے۔

 ناعمہ صہیب نے اپنی تصنیف ’’تاریخِ اسلام کی عظیم شخصیات ‘‘ میں آپ کی سوانح کا عنوان باندھتے ہوئے لکھا :’’موجودہ دور میں عالمِ عرب میں سب سے بڑی اسلای تحریک ’’الاخوان المسلمون ‘‘ کے بانی اور راہِ حق کے شہید‘‘۔جب آپ ؒ نے مصر پر مغربیت کا رنگ چڑھتے اور اس کو اسلام سے دور ہوتے دیکھا تو آپ ؒ نے اس دھارے کا رخ تبدیل کرنے کے لیے اپنا تن من دھن لگادیا ، عوام میں وعظ و نصیحت کی مجالس کا سلسلہ شروع کیا ، جس کے نتیجے میں کچھ احباب آپ ؒ کے پاس آئے اور اسلامی طرزِ حیات اپنانے اور نافذ کرنے کے لیے  عملی جد و جہد کی خواہش ظاہر کی ۔ ان افراد سے الاخوان المسلمون کا آغاز ہوا ، جو بعد میں اس درجے  ترقی کرگئی کہ مغرب اور اس کی کٹھ پتلی مصری حکومت کے لئے خطرے کی گھنٹیاں بجنی شروع ہوگئیں۔ چونکہ یہ جماعت اسلام کی داعی تھی سو نظامِ طاغوت کا اس سے خوف کھانا بجا تھا ۔ اس راہ میں آپ ؒ  اور آپؒ کی جماعت نے کئی مصائب و شدائد کا سامنا کیا ۔پہلے مرحلے میں اخوان کے اخبارات اور رسائل پر پابندی لگائی گئی اور اس کا پریس ضبط کرلیا گیا ۔ اس کے بعد اجتماعات پر پابندی لگائی گئی اور پھر آپؒ اور اخوان کے تمام  عہدیداروں کو گرفتار کرلیا گیا ۔رہا ہونےپر آپ ؒ نے انگریزوں کے خلاف جہاد کا اعلان کیا جس سے پورے ملک میں آزادی کی لہر دوڑگئی ۔ دوسری طرف مسئلۂِ  فلسطین کی سنگینی کو محسوس کرتے ہوئے اخوان نے فلسطینیوں کے حقوق کی پامالی کے خلاف زبردست احتجاج کیا ، جلسے جلوس نکالے اور عرب ممالک سے مطالبہ کیا کہ فلسطین کے بچاؤ کے لیے جہاد کا راستہ اختیار کیا جائے ۔ یہ تمام صورتحال دیکھتے ہوئے یہود و نصاریٰ اور اسلام مخالف قوتوں کو یقین ہوگیا کہ اگر اس تحریک اور اس کے سربراہ کو مزید موقع دیا گیا تو وہ عرب دنیا میں اسلام کی نشأۃ ثانیہ کو روک نہ سکیں گے اور ان کے ناپاک عزائم ہمیشہ کے لیے خاک میں مل جائیں گے ۔ چنانچہ پورے مصر میں اخوان کے خلاف شدید آپریشن شروع کیا گیا ۔ جیلیں اخوان کے کارکنوں سے بھردی گئیں اور مظالم کی خوفناک داستانیں رقم کی گئیں ۔ ۱۲ فروری ۱۹۴۹ ء کی شام کو شبان المسلمین کے مرکز کے سامنے قاہرہ کی سب سے بڑی سڑک پر حسن البناء کو گولی مار کر شہید کردیا گیا۔