Fatawaa - جدید فقہی مسائل

ایزى لوڈ اور ایزى پیسہ كا كاروبار كرنا

Sat, 30 Jan 2021 07:00:17 GMT

عرض یہ ہے کہ ایزی لوڈ اور ایزی پىسہ کى دکان کھولنا اور کاروبار کرنا کیسا ہے؟ شكرىہ۔

حالت احرام میں ماسک لگانا

Sat, 30 Jan 2021 06:43:23 GMT

آج کل کے کورونا کے حالات کے پیشِ نظر عمرہ پر جانے والی خاتون کی طرف سے درج ذیل سوالات موصول ہوئے ہیں، برائے مہربانی رہنمائی فرمائیے۔

۱۔ کیا حالت احرام میں فیس ماسک پہنا جا سکتا ہے؟

۲۔️ کیا فیس ماسک سلے ہوئے نقاب میں آتا ہے؟

۳۔️ کیا اگر عمرہ کے دوران فیس ماسک پہنا جائے تو دم دینا ہوگا؟

مصنوعى پلكوں اور ناخنوں كى خرید وفروخت

Sat, 30 Jan 2021 06:30:00 GMT

میری کاسمیٹکس کی دوکان ہے، کاروبار میں wax strips (بال صفا بٹى، جس سے عورتىں بال صاف كرتى ہىں) eye lashes (مصنوعى پلكىں) اور artificial nails (مصنوعى ناخن)بھی گاہک کی جانب سے طلب کیے جاتے ہیں۔کیا ان کی خرید و فروخت شرعاً جائز ہے؟

واضح رہے کہ ناخنوں كى خرىد وفروخت عورتوں كے تزیین وآرائش كى غرض سے كى جاتى ہے، جىسے كوئى عورت اپنے شوہر كى خاطر زىنت كے طور پر نقلى پلكىں اور ناخن لگائے۔

ایك انعامى اسكیم كا حكم

Fri, 22 Jan 2021 06:20:54 GMT

اىك اسكىم جارى كى گئى ہے، جس مىں كار، موٹرسائىكل، سائىكل، جوسر سىٹ، جنرىٹر، فرج، اورمتعىن رقم كى كچھ نقدى، اسى طرح ٹى وى، اےسى، فرنىچرسىٹ وغىرہ وغىرہ، ىعنى چھوٹى بڑى ہرقسم كى اشىاء موجود ہىں۔ اور اس مىں ہرممبر كو انعام لازمى دىا جائے گا، لىكن شرط ىہ ہے كہ ہرماہ 500روپے جمع كروانا ہوں گے۔ نىزىہ اسكىم17ماہ تك چلتى رہے گى، جس مىں ہرماہ قرعہ اندازى كے ذرىعے نكلنے والے انعامات اسكىم مىں شامل ممبروں كودىے جائىں گے۔ جس ممبر كا اىك مرتبہ انعام نكل گىا، توآئندہ اس سےمزىد رقم نہىں لى جائے گى۔ جس كا جو نصىب ہوگا وہ اسے مل جائے گا۔ سوال ىہ ہے كہ درج بالا اسکیم کی شرعاً کیاحىثیت ہے؟ آیا یہ لاٹری اور جوئے کی صورت میں تو نہىں آتی؟ یا شرعاً اس میں کچھ جواز پایا جاتا ہے؟ جزاك اللہ خىرا۔

پراویڈنٹ فنڈ

Wed, 13 Jan 2021 05:40:00 GMT

میں پارکو کمپنی میں نوکری کرتا ہوں۔ میں وہاں سے پراویڈنٹ فنڈ نہیں لیتا، کیوں کہ میرے علم کے مطابق وہ سودی اداروں میں انویسٹ کرتے ہیں۔ اب انہوں نے ایسے لوگوں کے لیے جو پراویڈنٹ فنڈ نہیں لیتے، ایک نئی پالیسی کا اعلان کیا ہے کہ ہم غیر سودی اداروں میں انویسٹمنٹ کریں گے توجو لوگ اب پراویڈنٹ فنڈ لینا چاہیں وہ تصدیق نامہ جمع کرادیں۔ رہنمائی فرمائیں کہ ایسی صورت میں کیا کیا جائے؟

بذریعہ سیونگ اکاونٹ ملنے والی سیلری کا حکم

Wed, 13 Jan 2021 04:49:54 GMT

عرض ہے کہ والد صاحب سکول ٹیچرتھے جن کی سیلری یونائیٹڈ بینک سیونگ اکاؤنٹ میں آتی رہی اور وہ ہر ماہ وصول کرتے رہے، یہاں تک کہ پنشن آگئی جبکہ ان کو سیونگ یا کرنٹ اکاؤنٹ کیا ہوتا ہے اس بارے میں کچھ علم نہ تھا۔ جب معلوم ہوا تو پنشن کو آئے ہوئے تقریباً دوسال ہو گئے تھے جو تقریباً 15سے20لاکھ تھی تو والد صاحب نے رقم کو کرنٹ اکاؤنٹ میں منتقل کروا دیا۔ ان دوسال کی سٹیٹمنٹ کے مطابق تقریباً ڈیڑھ لاکھ اضافہ ہوگیا تھا اور زکوۃ بھی کاٹی گئی جو تقریباً 50ہزار تھی۔ اب کیا ہماری زکوۃ ادا ہوئی یا نہیں؟ اس اضافہ کا کیا کریں؟ اور 15سے 20سال سیونگ اکاؤنٹ میں سیلری آتی رہی جو والد صاحب وصول کرلیتے تھے۔ اُس کا کیا حکم ہے؟

انشورنس کی شرعی حیثیت

Tue, 12 Jan 2021 05:48:01 GMT

اسٹیٹ لائف انشورنس کے بارے میں علمائے کرام ومفتیان عظام کیا فرماتے ہیں؟ برائے مہربانی اس کا حکم شرعی بیان فرمادیں۔

اسٹیٹ لائف انشورنس پالیسى لینا

Tue, 29 Dec 2020 09:47:00 GMT

تقرىبا بىس سال پہلے مىں نے اسٹىٹ لائف انشورنس كى پالىسى لى، لىنے كى وجہ ىہ تھى كہ مىرى پرائىوٹ نوكرى تھى، جس مىں كو ئى پىنشن ىا گرىجوٹى نہىں تھى، تو مىرا خىال ىہ تھا كہ وقت كے ساتھ ساتھ بچت ہوتى رہے گى اور آخر مىں اىك بڑى رقم بن جائے گى، تو استعمال مىں آجائے گى۔

اور اسٹىٹ لائف كى پالىسى لىتے وقت مىں نے اس كے بارے مىں معلومات لى تھى، تو مىرا علم ىہ تھا كہ اگر اس مىں فكس منافع ہو تو سود ہوتا ہے، ورنہ نہىں، اور اس وقت وہ فكس نہىں تھا، بلكہ متغىر تھا، اور نہ مىں نے ان كو قرض دىا، بلكہ پىسے كاروبار مىں انوىسٹ كے لىے دىے، كىا ىہ ركھنا صحىح ہے، ىا اس کو ختم كردىنا چاہىے، اگر رخصت كى كوئى صورت ہوجائے تو اچھى بات ہے۔

اىزى پىسہ اكاؤنٹ مىں رقم ركھوانےپر نفع

Tue, 22 Dec 2020 05:45:38 GMT

سوال یہ ہے كہ كىا ایزی پیسہ میں رقم رکھنے سے روزانہ کی بنیاد پر جو مطلوبہ رقم پر کیش بیک کے نام سےreward (فائدہ) دىا جاتا ہے، اس كا كىا حكم ہے، كىونكہ 2 ماہ کے اندر میں نے بہت ہی کم ٹرانزیکشنز کی ہے، جس مد مىں مجھے 196 روپے مل چكے ہىں، اسی طرح ریوارڈ کی مد میں مفت منٹس اور ایس ایم ایس دیے جاتے ہیں، منٹس اور ایس ایم ایس نا چاہتے ہوئے بھی خود کار نظام کے تحت استعمال میں آ جاتے ہیں، کیا یہ سب کے سب حرام ہیں، یا ان کو استعمال کرنا جائز ہے؟ اللہ سبحانہ و تعالی آپ کا حامی و ناصر ہو۔

اشتہارات دیکھنے کے ذریعے رقم کمانا

Tue, 08 Dec 2020 04:13:45 GMT

میرا سوال آن لائن انویسٹمنٹ کے حوالے سے ہے کہ کیا یہ معاملہ سود کا ہے یا نہیں؟ تفصیلات یہ ہیں کہ جیسے کوئی شخص دس ہزار روپے آن لائن انویسٹمنٹ کمپنی میں لگارہا ہے، کمپنی کا کہنا ہے کہ اگر آپ روزانہ بیس سیکنڈ کا ایک اشتہار دیکھیں تو ہم روزانہ کی بنیاد پر آپ کو اس کے پچاس روپے دیں گے۔ یہ ریٹ آپ کی انویسٹمنٹ کی نسبت سے کم یا زیادہ ہوتے ہیں، ہر پانچ ہزار کی انویسٹمنٹ پر آپ کو روزانہ کی بنیاد پر اشتہار دیکھنے کے پچیس روپے ملیں گے۔ مزید یہ کہ اگر آپ وہ بیس سیکنڈ کا اشتہار نہیں دیکھتے تو آپ کو کچھ نہیں ملے گا۔ اشتہارات میں کسی قسم کی بے حیائی نہیں ہے، حتی کہ ان اشتہارات میں خواتین بھی نہیں دکھائی جاتیں، یہ کرپٹو کرنسی پر مبنی اشتہارات ہوتے ہیں۔ پندرہ ماہ کے بعد آپ اپنا اصل سرمایہ کمائی ہوئی رقم کے ساتھ نکال سکتے ہیں۔ کمائی ہوئی رقم تو کسی وقت بھی نکالی جاسکتی ہے۔ میرا سوال یہ ہے کہ کیا یہ کمائی سود میں شمار ہوگی یا نہیں؟

چوری چھپے بکنے والے تمباکو اور چھالیا کی خرید وفروخت کا حکم

Tue, 27 Oct 2020 04:07:19 GMT

آج كل جیم، رتن، رجنی، ون ٹو ون کے نام سے گٹکے کی طرح چھالیا آتی ہے۔ یہ کمپنیاں گٹکے کی قسم کی چھالیا بناتی ہیں لیکن ٹیکس نہیں بھرتیں اور چھپ چھپا کر بیچی جاتی ہیں۔ سوال یہ ہے کہ ان کی خرید وفروخت کرنا جائز ہے یا نہیں؟

حصول اولاد کے جدید طریقوں کی شرعی حیثیت

Sat, 24 Oct 2020 04:22:50 GMT

حصول اولاد کے جدید طریقوں کے حوالے سے رہنمائی درکار ہے۔ آج کل یہ طریقے یورپ اور انڈیا میں بہت عام ہوچکے ہیں، پاکستان میں ابھی اس کا رجحان کم ہے، لیکن جس طرح نئی چیزیں بہت جلد اپنالی جاتی ہیں توخطرہ ہے کہ پاکستان میں بھی یہ عام نہ ہوجائے۔ حصول اولاد کے فطری طریقے کے علاوہ دو اور طریقے ہیں:

۱۔ ایک اسپرم بینک کا طریقہ ہے، اس میں یہ ہے کہ ایک مرد اپنا مادہ تولید اسپرم بینک کو ڈونیٹ کردیتا ہے اور اس میں اس کے ساتھ اس کی تفصیلات لکھی ہوتی ہیں کہ فلاں شخص کا ہے، فلاں علاقے کا ہے، رنگ ایسا ہےاور اس شخص میں یہ یہ خامیاں اور یہ یہ خوبیاں ہیں، وغیرہ۔ پھر کوئی خاتون آکر اپنی مرضی کا اسپرم لے کر اپنے رحم میں رکھوالیتی ہے اور پھر وہ حاملہ ہوجاتی ہے اور ڈیلیوری ہوتی ہے۔ بظاہر تو یہ حرام ہی لگتا ہے کہ غیر محرم کامادہ تولید اپنے رحم میں رکھوانا زنا کہلائے گا اور اولاد ولد الزنا کہلائے گی، اس بارے میں شرعی حکم بیان فرمادیں۔

۲۔ دوسرا طریقہ سیروگیسی مدر(Surrogacy Mother) کا ہے، جیسے کچھ خواتین ہوتی ہیں جن کے ہاں حمل ٹھہرتا نہیں ہے، یا اگر ٹھہرتا ہے تو گرجاتا ہے تو اس میں یہ کیا جاتا ہے کہ مرد کا مادہ تولید اور عورت کا ایک خاص حصہ لے کر ملاکر ایک خاص ماحول میں رکھا جاتا ہے، جب وہ حمل بڑھ جاتا ہے تو اس بچے کو دوبارہ ماں کے رحم میں لگادیا جاتا ہے، یہ ٹیسٹ ٹیوب بے بیز (Test Tube Babies) کہلاتے ہیں۔ سیروگیسی مدر میں یہ ہوتا ہے کہ مرد کے مادہ تولید اور عورت کے حصے کے ملاپ کے بعد وہ بچہ اسی عورت میں لگانے کے بجائے کسی اور عورت کے رحم میں لگادیا جاتا ہے اور وہ عورت اس کی سیروگیسی مدر کہلاتی ہے، پھر جب نو مہینے پورے ہونے کے بعد وہ بچے کو جنم دے دیتی ہے تو دوبارہ وہ اصل ماں کے حوالے کردیا جاتا ہے۔ اس طرح یہ اس کی اصل ماں کہلائے گی، وہ عورت سیروگینٹ ماں کہلائے گی اور بچہ سیروگینٹ بچہ کہلایا جائے گا۔ سوال یہ ہے کہ اس بارے میں شرعی حکم کیا ہے؟ یہ میرے دوست کا یورپ سے سوال ہے اس نے بتایا کہ یورپ میں بہت زیادہ یہ طریقہ رائج ہے، اس سے فائدہ یہ ہے کہ وہ حمل اور بچہ جننے کی تکلیف سے بچ جاتی ہے اور بچہ بھی لوٹادیا جاتا ہے۔ جبکہ سیروگینٹ مدر کو اس کے بدلے دس ہزار ڈالر مل جاتے ہیں۔ اس کو یہی کہا کہ بظاہر تو حرام ہی لگتا ہے تو اس نے کہا کہ دائیاں جو دودھ پلاتی ہیں اس میں بھی تو کچھ نہ کچھ دوسری عورت کا حصہ مل جاتا ہے تو اس بارے میں شرعی رہنمائی فرمادیں۔ جزاک اللہ خیراً

ivf اور iui کے طریقہ کار سے اولاد لینا

Wed, 21 Oct 2020 03:40:04 GMT

کیا ivf اور iui کے طریقہ کار سے اولاد لینا جائز ہے؟ جیسے ہم مثال کے طور پر حضرت زکریا علیہ السلام اور حضرت عائشہ رضی اللہ عنہا نے یہ پروسیجر نہیں کیے اور صبر کیا، اگرچہ پھر زکریا علیہ السلام کی اولاد تو ہوگئی۔ لہذا انبیاء کی صورت میں ایسا کرنا صحیح نہیں تھا تو کیا موجودہ وقت میں اگر ہم یہ کریں تو جائز ہوگا یا نہیں؟

آن لائن ڈراپ شپنگ

Mon, 12 Oct 2020 10:00:38 GMT

آن لائن ڈراپ شپنگ کے بارے میں رہنمائی کردیں کہ کیا شرعی طور پر یہ حلال کاروبار ہے؟

آن لائن ڈراپ شپنگ بزنس میں مال قبضے میں نہیں لیا جاتا اور پروڈکٹ کی ویب سائٹ پر ساری معلومات دی جاتی ہیں اور جب آرڈر آتا ہے تو مینوفیکچرر سے رابطہ کر کے وہ پروڈکٹ ڈلیور کیا جاتا ہے۔ ڈراپ شپنگ کرنے والا ایک مڈل مین کا کردار ادا کرتا ہے۔ اس میں تین باتیں بہت اہم ہیں جو درج ذیل ہیں:

1۔ مال قبضے میں نہیں ہوتا۔

2۔ جب آرڈر آتا ہے تو پروڈکٹ خریدنے کے بعد مینوفیکچرر کو بتایا جاتا ہے کہ وہ پروڈکٹ خریدار کے پتے پر بھیج دے۔

3۔ آرڈر ملنے سے پہلے مینوفیکچرر کے ساتھ ڈراپ شپنگ ایجنٹ کا یہ معاہدہ ہوتا ہے کہ وہ مینوفیکچرر کی پروڈکٹ پرافٹ رکھ کر آگے سیل کرے گا، یعنی جو بھی قیمت مینوفیکچرر نے بتائی ہے اس پر پرافٹ رکھ کر ڈراپ شپنگ ایجنٹ پروڈکٹ کو قبضے میں لیے بغیر اگر خریدار کو سیل کرتا ہے، پھر جو آرڈر آتا ہے تو ڈراپ شپر پروڈکٹ خرید کر مینوفیکچرر کے ذریعے وہ پروڈکٹ ڈیلیور کرتا ہے۔ یہ بات مینوفیکچرر کو پتا ہوتی ہے مگر خریدار سے یہ بات چھپی ہوتی ہے۔

کیا یہ بزنس شرعی طور پر حلال ہے؟ کیوں کہ اس کا رجحان بہت عام ہو گیا ہے۔

موبائل ایپلی کیشن کے ذریعہ نفع حاصل کرنا

Mon, 12 Oct 2020 05:44:58 GMT

موبائل ایپلکیشن کے ذریعے آپ اپنے اکاؤنٹ میں کچھ رقم مینٹیں کریں اور پھر خریداری پر آپ کو کیش بیک کی صورت میں پوائنٹس اور پیسے وصول ہوتے ہیں۔ فرمائیے گا کہ کیا یہ جائز ہیں کہ نہیں؟ اگر بغیر کیس کم از کم بیلنس کا ڈسکاؤنٹ ملتا ہے کسی ہوٹل پر یا پٹرول پمپ پر تو اس کا کیا حکم ہوگا؟

سودی منافع سے کسی کی مدد کرنا

Mon, 12 Oct 2020 05:29:58 GMT

میں نے حال ہی میں اپنے مرحوم والد کے ساتھ مشترکہ ایک غیر فعال سیونگ اکاؤنٹ جو لوکل بینک میں تھا بند کروایا ہے۔ آخری بیلنس شیٹ کے مطابق جمع شدہ رقم پر منافع وقتاً فوقتاً دیا گیا ہے۔ میں وہ منافع اپنی ذات پر استعمال کرنا نہیں چاہتا، جو کہ شاید سود ہے۔ کیا میں وہ رقم ایک ایسے مستحق شخص کو دے سکتا ہوں جس کو اپنے گھر کی مینٹیننس کے لیے ضرورت ہے؟

سودی بینک میں ملازمت کا حکم

Wed, 30 Sep 2020 03:53:25 GMT

میرا سوال ہے کہ ایک شخص جو سودی بینک میں ملازمت کرتا ہے اور ان ہی پیسوں سے عمرہ کر کے آئے، تو کیا ایسے شخص کا عمرہ ہوجاتا ہے؟ اور اگر یہی شخص عمرہ سے واپسی پر ایک جائےنماز تحفہ میں دے تو کیا اس پر نماز پڑھ سکتے ہیں؟ اگر نماز پڑھ لی تو کیا گناہ ہوگا؟ اگر ہاں تو اس کا کفارہ بتا دیں۔

کال سینٹر کی جاب کے حوالے سے سوالات

Thu, 30 Jul 2020 05:22:47 GMT

سوال نمبر۱: میں نے ایک کال سینٹر میں نوکری شروع کی ہے، سوال یہ ہے کہ کیا ایسے کال سینٹر میں کام کرنا جائز ہے جہاں ہمیں کسی ہیلتھ انشورنس کی کمپنی کے بارے میں سروسز مہیا کرنی ہوں، لیکن مجھے یہ نہیں معلوم کہ وہ کال سینٹر اس ہیلتھ انشورنس کمپنی کا ہے یا پھر اس کال سینٹر کے ذریعے ہمیں صرف لوگوں سے اس کی پروڈکٹس اور سروسز بیچنی ہوتی ہیں۔

سوال نمبر۲: دوسرا سوال یہ ہے کہ ہم لوگوں کو باہر دوسرے ممالک میں کال کرنی ہوتی ہے اور اپنا تعارف کرواتے ہوئے اپنا نہیں بلکہ کسی دوسرے شخص کا تعارف کرانا ہوتا ہے اور ساتھ یہ بتانا پڑتا ہے کہ میں یہاں سے نہیں بلکہ اس ملک سے بات کررہا ہوں جہاں وہ کال کرنے والا رہتا ہے۔ کیا یہ جھوٹ کے دائرے میں شامل نہیں ہوگا؟

سولی اور پھانسی کی سزا

Thu, 30 Jul 2020 04:56:36 GMT

پھانسی کے ذریعے موت کی سزا کےلیے کچھ شرائط ہیں یا پھانسی کی سزا سرے سے جائز ہی نہیں؟ مزید یہ کہ سولی اور پھانسی میں کیا فرق ہے؟

آئی کیو آپشن، آن لائن ٹریڈنگ

Mon, 13 Jul 2020 10:22:00 GMT

کیا آن لائن ٹریڈنگ(آئی کیو آپشن) درست ہے نہیں؟ قرآن وسنت کی روشنی میں جواب عنایت فرمائیں۔