Fatawaa - علوم الحدیث

صحابہ کرام کی موجودگی میں غناء

Fri, 22 Jan 2021 07:19:38 GMT

ایک روایت ہے کہ عامر بن سعد کہتے ہیں کہ میں ایک شادی میں قرظہ بن کعب اور ابومسعود انصاری رضی اللہ عنہما کے پاس پہنچا، وہاں لڑکیاں گانا گارہی تھیں، میں نے کہا: آپ دونوں رسول اللہ ﷺ کے صحابی ہیں اور اہل بدر میں سے ہیں، اور یہ کچھ (گانا) آپ کے سامنے ہورہا ہے؟ تو انہوں نے فرمایا: اگر چاہو تو ہمارے ساتھ بیٹھ کر سنو اور چاہو تو چلے جاؤ، ہمیں شادی کے موقعہ پر لہو کی رخصت دی گئی ہے۔

کیا یہ روایت مستند ہے؟ اور اگر مستند ہے تو اس کی وضاحت فرمادیں۔

ربیع الاول میں محافل سجانااور خوشیاں منانا

Fri, 22 Jan 2021 07:12:13 GMT

ربىع الاول كا روزہ ركھنا ىا كوئى نفلى عبادت احادىث مىں منقول ہے ىا نہىں، اور اس دن محافل سجانا، كھانا تقسىم كرنا كہ اس سے آپ صلى اللہ علىہ وسلم كو ثواب پہنچانے كى نىت ہوتو كىا ىہ جائز ہے ىا نہىں، اور اس دن محافل سجانا، ىا گھروں مىں روشنىاں وغىرہ كرنا كىسا ہے؟

نیند کے غلبہ کے وقت نماز پڑھنا

Fri, 22 Jan 2021 06:30:41 GMT

مندرجہ ذیل حدیث کے حوالے سے درج ذیل سوالات کے ضمن میں براہ کرم راہنمائی فرما دیجیئے:

رسول اللہ ﷺ نے فرمایا (بروایت حضرت انس بن مالک) تم میں سے جب کسی کو نماز پڑھتے پڑھتے نیند کا غلبہ ہونے لگے تو اسے چاہیے کہ سو جائے یہاں تک کہ (نیند کا خمار کچھ نکل جائے اور) وہ یہ سمجھ سکے کہ میں کیا پڑھ رہا ہوں۔ (صحیح بخاری، سنن النسائی)

کیا مندرجہ بالا حدیث کی اسنادی حیثیت درست ہے؟ اور کیا نیند کو نماز پر فوقیت دینا شرعا درست ہے؟ اور کیا نیند کے غلبے کے تحت فجرکی نماز یا دیگر نمازوں کو مؤخر کرنا اور آخری وقت میں پڑھنا درست ہے؟ نیند کے غلبے کی وجہ سے باجماعت نماز کو چھوڑنا، کیا یہ شرعا درست ہے؟ جزاکم اللہ خیرا

حضرت ایوب علیہ السلام کی بیماری

Fri, 15 Jan 2021 07:40:00 GMT

حضرت ایوب علیہ السلام کے بارے میں آتا ہے کہ ان کے جسم میں معاذ اللہ کیڑے پڑگئے تھے، جس کی وجہ سے انہیں کچرے میں پھینک دیا گیا تھا۔ یہ روایت بظاہر تو صحیح معلوم نہیں ہوتی۔ اس کی تحقیق فرمادیں۔ جزاکم اللہ

احوال امت سے باخبر رہنے سے متعلق روایت کی تحقیق

Wed, 13 Jan 2021 05:16:08 GMT

کیا احوال امت سے باخبر رہنے کے متعلق کوئی حدیث حضورِ اقدس صلی اللہ علیہ وسلم سے منقول ہے؟

ایک مدرس صاحب سے سننے میں آیا کہ جو احوال امت سے باخبر نہ رہے وہ ہم میں سے نہیں۔ برائے مہربانی حوالے کے ساتھ جواب عنایت فرمائیں۔

چادر چرانے والا شخص

Wed, 13 Jan 2021 05:02:58 GMT

ایک حدیث کا مفہوم ہے کہ رسول اللہ ﷺ نے صحابہ کرام رضی اللہ عنہم اجمعین سے سوال کیا کہ فلاں شخص کے بارے میں تمہارا کیا خیال ہے؟ صحابہ کرام نے فرمایا: اے اللہ کے رسول! ہم تو اسے جنت میں دیکھتے ہیں، آپ علیہ السلام نے فرمایا: میں اسے جہنم میں دیکھ رہا ہوں کیونکہ اس نے بیت المال سے ایک چادر چرائی تھی۔ دوسری حدیث میں یہ بھی آیا ہے کہ اس نے مسلمانوں کے ساتھ مل کر کفار کے خلاف جہاد بھی کیا تھا۔ سوال یہ ہے کہ اگر وہ شخص صحابی تھا تو جہنم تو صحابہ کے لیے ہے ہی نہیں تو وہ شخص کس گروہ میں سے تھا؟ اس کی وضاحت فرمادیجیے۔ جزاکم اللہ خیرا

نماز چھوڑنے پر کفر کا حکم لگانا

Wed, 06 Jan 2021 04:18:00 GMT

یہ حدیث مبارکہ سند اور صحت کے اعتبار سے کس درجہ کی ہے ’’من ترك الصلوة متعمدا فقد كفر‘‘ نيز اگر یہ حدیث مبارکہ دلیل اور حجت کی حیثیت رکھتی ہے تو پھر آجکل ہماری نجانے کتنی صلواتیں (نمازیں) چھوٹ جاتی ہیں یا رہ جاتی ہیں تو کیا ہر صلوٰۃ چھوٹ جانے یا ترک ہو جانے پر ایمان اور نکاح کا اعادہ اور تجدید ضروری ہو گا؟ کیونکہ اگر کلمہ کفر جیسے زبانی فعل سے نکاح منسوخ ہوگیا تو صلوٰۃ چھوٹ جانا تو عملی کفر ہوا اس لحاظ سے یہ زیادہ خطرناک ہونا چاہیے؟

خواتین کےلیے عید کی نماز کا حکم

Tue, 29 Dec 2020 11:02:26 GMT

ذیل میں ایک تحریر لکھی جارہی ہے جس کے ذریعہ کچھ لوگ خواتین کو عید کی نماز میں شریک ہونے کا حکم اور ترغیب دیتے ہیں۔ اس کا جواب عنایت فرمائیں۔

’’نماز عیدین عورتوں پر بھی اسی طرح فرض ہے جس طرح مردوں پر فرض ہے۔ ام عطیہ رضی اللہ عنہا فرماتی ہیں کہ ہمیں حکم ہوا کہ ہم عیدین کے دن حائضہ عورتوں اور پردہ نشین لڑکیوں کو باہر لے جائیں تاکہ وہ جماعت المسلمین کے ساتھ دعاؤں میں شامل ہو سکیں، البتہ حائضہ عورتوں کو نماز کی جگہ سے علیحدہ رکھیں۔ ایک عورت نے کہا یا رسول اللہ! ہم میں بعض ایسی بھی ہوتی ہیں جن کے پاس چادر (برقع) نہیں ہوتی۔ آپ صلی اللہ علیہ و سلم نے فرمایا کہ اس کے ساتھ جانے والی عورت کو چاہیے کہ وہ اپنی چادر کا ایک حصّہ اسے اوڑھا دے۔ (صحیح بخاری، کتاب الصلوٰۃ، باب وجوب الصلاۃ فی الثیاب)

اے ایمان والو! غور کرو کہ عورتوں کا عید گاہ میں جانا کتنا ضروری ہے؟ اے ایمان والو! صلوٰۃ العیدین میں عورتوں کا جانا حکمِ رسول ﷺسے ثابت ہے۔ کیا آج اس پر عمل ہو رہا ہے؟ غور کیجیئے جو لوگ عورتوں کو صلوٰۃ العید ین کے اجتماع میں جانے کے لیے تو منع کرتے ہیں مگر شادی بیاہ کی غیر ضروری و جاہلانہ رسموں اور گانے بجانے کی محفلوں میں جانے سے منع نہیں کرتے اور وہاں جو کچھ ہوتا ہے وہ کسی سے چھپا ہوا نہیں ہے۔‘‘

حضرت ابودجانہ رضی اللہ عنہ کے واقعے کی تصدیق

Tue, 29 Dec 2020 10:41:57 GMT

کیا درج ذیل واقعہ احادیث کی کتب میں ملتا ہے؟ اگر ہے تو کیا اس کا عربی متن مل سکتا ہے؟

حضرت ابودجانہ رضى اللہ عنہ كى ہر روز كوشش ہوتى كہ وہ نماز فجر رسول اللہﷺ كے پيچھے ادا كريں، ليكن نماز كے فورى بعد يا نماز كے ختم ہونے سے پہلے ہى مسجد سے نكل جاتے، رسول اللہﷺ كى نظريں ابودجانہ كا پيچھا كرتيں، جب ابودجانہ كا يہى معمول رہا تو ايک دن رسول اللہﷺ نے ابودجانہ كو روک كر پوچھا: ’’ابودجانہ! كيا تمہيں اللہ سے كوئى حاجت نہيں ہے؟‘‘ ابودجانہ گويا ہوئے: كيوں نہيں اے اللہ كے رسول، ميں تو لمحہ بھر بھى اللہ سے مستغنى نہيں ہوسكتا۔ رسول اللہﷺ فرمانے لگے: ’’تب پھر آپ ہمارے ساتھ نماز ختم ہونے كا انتظار كيوں نہيں كرتے، اور اللہ سے اپنى حاجات كے ليے دعا كيوں نہيں كرتے۔‘‘ ابودجانہ كہنے لگے: اے اللہ كے رسول! در اصل اس كا سبب يہ ہے كہ ميرے پڑوس میں ايک يہودى رہتا ہے، جس كے كھجور كے درخت كى شاخيں ميرے گھر كے صحن ميں لٹكتى ہيں، اور جب رات كو ہوا چلتى ہے تو اس كى كھجوريں ہمارے گھر ميں گرتى ہيں، ميں مسجد سے اس ليے جلدى نكلتا ہوں تا كہ ان گرى ہوئى كھجوروں كو اپنے خالى پيٹ بچوں كے جاگنے سے پہلے پہلے چُن كر اس يہودى كو لوٹا دوں، مبادا وہ بچے بھوك كى شدت كى وجہ سے ان كھجوروں كو كھا نہ ليں۔ پھر ابودجانہ قسم اٹھا كر كہنے لگے اے اللہ كے رسول! ايک دن ميں نے اپنے بيٹے كو ديكھا جو اس گرى ہوئى كجھور كو چبا رہا تھا، اس سے پہلے كہ وہ اسے نگل پاتا ميں نے اپنى انگلى اس كے حلق ميں ڈال كر كھجور باہر نكال دى۔ اللہ كے رسول! جب ميرا بيٹا رونے لگا تو ميں نے كہا اے ميرے بچے مجھے حيا آتى ہے كہ كل قيامت كے دن ميں اللہ كے سامنے بطور چور كھڑا ہوں۔ سيدنا ابوبكر رضى اللہ عنہ پاس كھڑے يہ سارا ماجرا سن رہے تھے، جذبہ ايمانى اور اخوت اسلامى نے جوش مارا تو سيدھے اس يہودى كے پاس گئے اور اس سے كھجور كا پورا درخت خريد كر ابو دجانہ اور اس كے بچوں كو ہديہ كر ديا۔ پھر كيوں نہ اللہ سبحانہ وتعالىٰ ان مقدس ہستيوں كے بارے يہ سند جارى كرے: ﴿رضى الله عنهم ورضوا عنه﴾ ’’اللہ ان سے راضی ہوا اور وہ الله سے راضی ہوئے‘‘ چند دنوں بعد جب يہودى كو اس سارے ماجرے كا پتہ چلا تو اس نے اپنے تمام اہل خانہ كو جمع كيا، اور رسول اللہﷺ كے پاس جا كر مسلمان ہونے كا اعلان كر ديا۔

بعض صحابہ کرام کے اجساد اٹھا لیے جانے کی تحقیق

Tue, 29 Dec 2020 10:32:00 GMT

کیا صحابہ کرام رضوان اللہ علیہم اجمعین میں سے حضرت عامر بن فہیرہ اور حضرت خبیب بن عدی رضی اللہ عنہما کے اجساد مبارکہ آسمان پر اٹھا لیے گئے تھے؟ مستند روایات کی روشنی میں رہنمائی فرمائیں۔

كھانے سے پہلے صرف بسم اللہ پڑھنا

Tue, 29 Dec 2020 10:13:37 GMT

كىا كھانا كھانے سے پہلے صرف بسم اللہ پڑھنا مسنون ہے ىا بسم اللہ الرحمن الرحىم پورا پڑھنا مسنون ہے؟ برائے مہربانی رہنمائی فرمادیں۔

نماز ضائع کرنے کی سزا سے متعلق روایت کی تحقیق

Wed, 09 Dec 2020 03:59:40 GMT

’’ایک نماز ضائع کرنے سے دو کڑوڑ اٹھاسی لاکھ سال دوزخ میں جلنے کی سزا ہے اور قیامت کا ایک دن پچاس ہزار سال لمبا ہوگا۔‘‘ کیا یہ بات کسی حدیث سے ثابت ہے؟

ایک روایت حدیث کی سندی حیثیت

Tue, 08 Dec 2020 04:49:37 GMT

درج ذیل حدیث کی سندی حیثیت بیان فرمادیں۔

حَدَّثَنَا مُحَمَّدُ بْنُ سَلَمَةَ، عَنْ هِشَامٍ، عَنِ الْحَسَنِ، عَنْ جَابِرِ بْنِ عَبْدِ اللَّهِ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «إِذَا سِرْتُمْ فِي الْخِصْبِ، فَأَمْكِنُوا الرِّكَابَ أَسْنَانَهَا، وَلَا تُجَاوِزُوا الْمَنَازِلَ، وَإِذَا سِرْتُمْ فِي الْجَدْبِ، فَاسْتَجِدُّوا، وَعَلَيْكُمْ بِالدَّلْجِ، فَإِنَّ الْأَرْضَ تُطْوَى بِاللَّيْلِ، وَإِذَا تَغَوَّلَتْ لَكُمُ الْغِيلَانُ، فَبَادِرُوا بِالْأَذَانِ، وَإِيَّاكُمْ وَالصَّلَاةَ عَلَى جَوَادِّ الطَّرِيقِ، وَالنُّزُولَ عَلَيْهَا، فَإِنَّهَا مَأْوَى الْحَيَّاتِ، وَالسِّبَاعِ، وَقَضَاءِ الْحَاجَةِ، فَإِنَّهَا الْمَلَاعِنُ»

ترجمہ: ’’حضرت جابررضی اللہ عنہ سے مروی ہے کہ رسول اللہﷺ نے فرمایا جب تم سرسبز و شاداب علاقے میں سفر کرو تو اپنی سواریوں کو وہاں کی شادابی سے فائدہ اٹھانے کا موقع دیا کرواور اس کے بغیر منزل سے آگے نہ بڑھا کرو، اور جب خشک زمین میں سفر کرنے کا اتفاق ہو تو تیزی سے وہاں سے گزرجایا کرو اور اس صورت میں رات کے اندھیرے میں سفر کرنے کو ترجیح دیا کرو، کیوں کہ رات کے سفر میں زمین کا فاصلہ کم کر دیا جاتا ہے، سفر کے دوران ایسا محسوس ہوتا ہے کہ گویا زمین لپٹی جا رہی ہے۔ اور اگر بھوت جنات کا سامنا ہو تو اذان دیا کرو، نیز راستے کے بیچ میں کھڑے ہوکر نماز پڑھنے اور وہاں پڑاؤ کرنے سے گریز کیا کرو، کیوں کہ وہ سانپوں اور درندوں کے ٹھکانے ہوتے ہیں اور قضائے حاجت بھی نہ کیا کرو، کیوں کہ یہ لعنت کا سبب ہے‘‘۔

اللہ تعالی کا ستر ماؤں سے زیادہ اپنے بندوں سے محبت کرنا

Fri, 04 Dec 2020 05:33:44 GMT

ایک حدیث کا مفہوم ہے کہ اللہ تعالی اپنے بندوں سے ستر ماؤں سے زیادہ محبت کرتا ہے۔ اس حدیث کے صحیح الفاظ کیا ہیں؟ یہ حدیث کس کتاب میں ہے؟ نیز اس کی صحت کے بارے میں بھی بتادیں۔

نماز مىں ثناء، تعوذ تسميہ وغىرہ كا احادىث سے ثبوت

Sat, 28 Nov 2020 05:23:00 GMT

نماز مىں ثناء، تعوذ، تسمیہ، سورہ فاتحہ پھر كم از كم تىن قرآنى آیات، ركوع كے كلمات، سجدہ كے كلمات اور قعدہ كے كلمات، پھر آخرمىں دائیں بائیں سلام پھیرنا۔ ان تمام كلمات كو اپنے اپنے مقام پر پڑھنے اور اسى ترتیب كے ساتھ پڑھنے كا بىان احادىث صحاح ستہ سے ثابت ہے؟ اگر ثابت ہے تو برائے مہربانى ان احادىث كے حوالہ جات دے دیں۔ جزاك اللہ۔

مسجد میں گپ شپ لگانا

Tue, 27 Oct 2020 03:59:34 GMT

آج کل لوگ مسجد میں موبائل فون استعمال کر رہے ہوتے ہیں، آپس میں ایک دوسرے سے باتیں کرتے ہیں، یہاں تک کہ ہنستے ہیں، قہقہے لگاتے ہیں اور لطیفے سناتے ہیں۔ جبکہ ہم نے بچپن میں سنا تھا کہ مسجد میں تو دنیاوی باتیں بھی نہیں کرنی چاہئیں، ہنسنا ہنسانا تو دورکی بات ہے۔ جبکہ ایک دوست یہ کہتے ہیں کہ یہ بڑوں کی بات ہے شرعی حکم نہیں ہے۔ برائے مہربانی رہنمائی فرمائیں۔

اللہ کی راہ میں خرچ کرنے کا اجر

Mon, 26 Oct 2020 06:20:44 GMT

درج ذیل آیت اور روایت کی وضاحت فرما دیں۔ کیونکہ اس سے یہ شبہہ ہورہا ہے کہ اللہ کی راہ میں خرچ کرنا سب سے کم درجہ ہے جب کہ دوسرے مقامات پر انفاق فی سبیل اللہ کا بہت اجر بتایا گیا ہے۔ يَسْــَٔـلُوْنَكَ مَاذَا يُنْفِقُوْنَ قُلْ مَآ اَنْفَقْتُمْ مِّنْ خَيْرٍ فَلِلْوَالِدَيْنِ وَالْاَقْرَبِيْنَ وَالْيَتٰمٰى وَالْمَسٰكِيْنِ وَابْنِ السَّبِيْلِ وَمَا تَفْعَلُوْا مِنْ خَيْرٍ فَاِنَّ اللّٰهَ بِه عَلِيْمٌ. (البقرة:215)

تفسیر ابن کثیر میں حضرت ابن عباس رضی اللہ عنہما سے ابوصالح کی روایت میں منقول ہے کہ یہ آیت کریمہ عمرو بن جموح انصاری رضی اللہ عنہ کے بارے میں نازل ہوئی یہ بہت عمر رسیدہ اور کثیر مال والے تھے۔ انھوں نے عرض کیا : یارسول اللہ! میں کیا چیز صدقہ کروں؟ اور کس چیز پر صدقہ کروں اس پر آیت نازل ہوئی۔ اور حضرت عبداللہ بن عباس ہی سے عطاء کی روایت میں یہ منقول ہے کہ یہ آیت کریمہ اس شخص کے متعلق نازل ہوئی جس نے رسول اللہ کی خدمت میں عرض کیا کہ میرے پاس ایک دینار ہے آپ نے فرمایا کہ اسے اپنی ذات پر خرچ کر اور اس نے کہا کہ میرے پاس دوسرا دینار ہے، آپ نے فرمایا اپنے گھروالوں پر خرچ کر اس نے کہا میرے پاس تیسرا دینار ہے، آپ نے فرمایا اپنے خادم پر خرچ کر ،اس نے کہا میرے پاس چوتھا دینار ہے، آپ نے فرمایا اپنے والدین پر خرچ کر، اس نے کہا میرے پاس پانچواں دینار ہے، آپ نے فرمایا کہ اپنے رشتہ داروں پر خرچ کر، اس نے کہا میرے پاس چھٹا دینار ہے، آپ نے فرمایا کہ اللہ کے راستے میں خرچ کر اور یہ ان میں سے سب سے کم اجر کا باعث ہے۔ (تفسیر ابن کثیر 1 ۔ 251)

ایک أعرابی کا اللہ سے حساب لینے کا واقعہ

Mon, 26 Oct 2020 05:46:46 GMT

مسند احمد کے حوالے سے موصول درج ذیل واقعہ کی تحقیق فرمادیں کیا یہ صحیح ہے؟

ایک مرتبہ کا واقعہ ہے کہ سید الانبیاء نبی اکرم ﷺ طواف فرما رہے تھے۔ ایک اعرابی کو اپنے آگے طواف کرتے ہوئے پایا جس کی زبان پر "یاکریم یاکریم" کی صدا تھی۔ حضور اکرم ﷺ نے بھی پیچھے سے یاکریم پڑھنا شروع کردیا۔ وہ اعرابی رُکن یمانی کی طرف جاتا تو پڑھتا یاکریم، سرکار دوعالم بھی پیچھے سے پڑھتے یاکریم۔ وہ اعرابی جس سمت بھی رخ کرتا اور پڑھتا یاکریم، سرکار بھی اس کی آواز سے آواز ملاتے ہوئے یاکریمپڑھتے۔ اعرابی نے تاجدار کائنات صلی اللہ علیہ وسلم کی طرف دیکھا اور کہا کہ اے روشن چہرے والے! اے حسین قد والے! اللہ کی قسم اگر آپ کا چہرہ اتنا روشن اور عمدہ قد نہ ہوتا تو آپ کی شکایت اپنے محبوب نبی کریم کی بارگاہ میں ضرور کرتا کہ آپ میرا مذاق اڑاتے ہیں۔ سید دو عالم صلی اللہ علیہ و سلم مسکرائے اور فرمایا کہ کیا تو اپنے نبی کو پہچانتا ہے؟ عرض کیا: نہیں۔ آپ صلی اللہ علیہ وسلم نے فرمایا کہ پھر تم ایمان کیسے لائے؟ عرض کیا: بِن دیکھے ان کی نبوت و رسالت کو تسلیم کیا، مانا اور بغیر ملاقات کے میں نے ان کی رسالت کی تصدیق کی۔ آپ نے فرمایا: مبارک ہو، میں دنیا میں تیرا نبی ہوں اور آخرت میں تیری شفاعت کروں گا۔ وہ حضور علیہ السلام کے قدموں میں گرا اور بوسے دینے لگا۔ آپ نے فرمایا: میرے ساتھ وہ معاملہ نہ کر جو عجمی لوگ اپنے بادشاہوں کے ساتھ کرتے ہیں۔ اللہ نے مجھے متکبر وجابر بناکر نہیں بھیجا بلکہ اللہ نے مجھے بشیر و نذیر بناکر بھیجا ہے۔

راوی کہتے ہیں کہ اتنے میں جبریل علیہ السلام آئےاور عرض کیا کہ اللہ جل جلالہ نے آپ کو سلام فرمایا ہے اور فرماتا ہے کہ اس اعرابی کو بتادیں کہ ہم اس کا حساب لیں گے۔ اعرابی نے کہا: یا رسول اللہ! کیا اللہ میرا حساب لے گا؟ فرمایا: ہاں، اگر وہ چاہے تو حساب لے گا۔ عرض کیا کہ اگر وہ میرا حساب لے گا تو میں اس کا حساب لوں گا۔ آپ نے فرمایا کہ تو کس بات پر اللہ سے حساب لےگا؟ اس نے کہا کہ اگر وہ میرے گناہوں کا حساب لےگا تو میں اس کی بخشش کا حساب لوں گا۔ میرے گناہ زیادہ ہیں کہ اس کی بخشش؟ اگر اس نےمیری نافرمانیوں کا حساب لیا تو میں اس کی معافی کا حساب لوں گا۔ اگر اس نے میرے بخل کا امتحان لیا تو میں اس کے فضل و کرم کا حساب لوں گا۔

حضور اکرم سید عالم ﷺ یہ سب سماعت کرنے کے بعد اتنا روئے کہ ریش مبارک آنسوؤں سے تر ہو گئی۔ پھر جبریل علیہ السلام آئے۔ عرض کیا: اے اللہ کے رسول! اللہ سلام کہتا ہے اور فرماتا ہے کہ رونا کم کریں۔ آپ کے رونے نے فرشتوں کو تسبیح و تہلیل بھلا دی ہے۔ اپنے امتی کو کہیں نہ وہ ہمارا حساب لے نہ ہم اس کا حساب لیں گے اور اس کو خوشخبری سنادیں یہ جنت میں آپ کا ساتھی ہوگا۔

محرم الحرام کے روزے کی احادیث کی سندی حیثیت

Mon, 26 Oct 2020 05:09:21 GMT

محرم الحرام کے روزے کی احادیث کے حوالے سے بتائیے کیا وہ صحیح ہیں یا ضعیف؟ کسی شیعہ ذاکر نے کہا کہ ان احادیث کے سارے راوی بچے تھے۔

مرد کےلیے گھٹنے چھپانے کا حکم

Wed, 21 Oct 2020 05:15:45 GMT

مرد کو گھٹنے چھپانے چاہیئں، لیکن اگر نہ چھپائے تو کیا یہ حرام ہے؟ اس کا تحقیقی جواب عنایت فرمائیں۔