Fatawaa - زکاۃ

سیدہ خاتون كے شوہركو زكوة دینا

Fri, 22 Jan 2021 04:42:00 GMT

میرا سوال یہ ہے كہ ایک سىدہ خاتون ہىں، لیکن ان کے شوہر سید نہیں، وہ بہت زیادہ ضرورت مند بھى ہے اوران کی ملازمت وغىرہ بھی نہیں ہے، توکیااىسے شخص كو زكوة دى جاسكتى ہےجس كى بىوى سىدہ ہو اور وہ خود سىد نہ ہو؟ جزاك اللہ خىرا۔

بذریعہ سیونگ اکاونٹ ملنے والی سیلری کا حکم

Wed, 13 Jan 2021 04:49:54 GMT

عرض ہے کہ والد صاحب سکول ٹیچرتھے جن کی سیلری یونائیٹڈ بینک سیونگ اکاؤنٹ میں آتی رہی اور وہ ہر ماہ وصول کرتے رہے، یہاں تک کہ پنشن آگئی جبکہ ان کو سیونگ یا کرنٹ اکاؤنٹ کیا ہوتا ہے اس بارے میں کچھ علم نہ تھا۔ جب معلوم ہوا تو پنشن کو آئے ہوئے تقریباً دوسال ہو گئے تھے جو تقریباً 15سے20لاکھ تھی تو والد صاحب نے رقم کو کرنٹ اکاؤنٹ میں منتقل کروا دیا۔ ان دوسال کی سٹیٹمنٹ کے مطابق تقریباً ڈیڑھ لاکھ اضافہ ہوگیا تھا اور زکوۃ بھی کاٹی گئی جو تقریباً 50ہزار تھی۔ اب کیا ہماری زکوۃ ادا ہوئی یا نہیں؟ اس اضافہ کا کیا کریں؟ اور 15سے 20سال سیونگ اکاؤنٹ میں سیلری آتی رہی جو والد صاحب وصول کرلیتے تھے۔ اُس کا کیا حکم ہے؟

ایسے شخص كو زكوة دینا جس كى ملكیت میں خالى گھر ہو

Wed, 30 Dec 2020 03:38:59 GMT

آپ کی کیا رائے ہے اس شخص کے بارے میں جس کی عمر پچاس سال سے اوپر ہو اور وہ کمانے کے لائق نہیں، اس کا کوئی قریبی رشتہ دار بھی نہیں، اس کے نام ایک رہائش کی جگہ ہے تقریباً دس مرلہ وہ بھی سرکاری زمین ہے، آیا اس شخص کو زکوٰۃ دینا جائز ہے؟

طالبِ علم كوزكوۃ كب دى جاسكتى ہے؟

Tue, 22 Dec 2020 06:19:33 GMT

جس بچے كى عمر چودہ سال سے كچھ ماہ زىادہ ہو اور وہ پڑھ بھى رہا ہو، لىكن اس كے ماں باپ كى حىثىت كے بارے مىں معلوم نہ ہو كہ ان كے پاس كوئى زىور وغىرہ ہے ىا نہىں، تو اىسے بچے كو زکوٰۃ دى جاسكتى ہے؟ اور اگر دى جاسكتى ہے تو كس عمر مىں دى جائے، تاكہ وہ اپنے تعلىمى اخراجات پورے كرسكے؟ اس مسئلےمىں رہنمائى فرمائىں۔

مسئلہ زکوۃ

Sat, 24 Oct 2020 04:30:34 GMT

میں نے دو سال پہلے عید الاضحی کے جانوروں کا کاروبار شروع کیا تھا، جو تا حال جاری ہے۔ اس کاروبار کےلیے میں نے اپنے ماموں سے انویسٹمنٹ لی تھی، ماموں شراکت دار نہیں ہیں، بس بطور قرض انہوں نے دےدیا تھا۔ لیکن اب وہ واپس نہیں لے رہے، ان کا کہنا ہے کہ جب ضرورت ہوگی تو میں لے لوں گا۔ ساتھ ساتھ میری ایک جاب بھی چل رہی ہےاور میں قرض واپس کرنے کے قابل بھی ہوں۔ سوال یہ ہے کہ مجھ پر زکوۃ لازم ہوگی یا نہیں؟

چھوٹے بھائی کو زکوٰۃ دینا

Wed, 21 Oct 2020 03:58:07 GMT

میرا چھوٹا بھائی جو بالغ ہے اور یونیورسٹی میں پڑھائی کررہا ہے، اس کے پاس اپنی کوئی آمدن کا ذریعہ نہیں ہے اگرچہ وہ نوکری تلاش کررہاہے۔ اس کی پڑھائی کا اور کھانے پینے کا خرچہ ماں باپ اٹھاتے ہیں، لیکن والدین کے پاس اتنی وسعت نہیں کہ وہ اس کے ذاتی خرچوں کا بوجھ اٹھا سکیں۔ ذاتی خرچے جیسے سواری، موبائل بیلنس، کپڑے، جوتے اور اسی طرح کے ذاتی خرچے۔ میں اس کا بڑا بھائی اور میں ہر سال اپنے مال میں سے زکوٰۃ بھی نکالتا ہوں۔ میرا سوال ہے کہ کیا میں اس کا بڑا بھائی ہونے کی حیثیت سے اس کے ذاتی خرچوں کو اپنی زکوٰۃ میں سے ادا کرسکتا ہوں؟ یہ بھی واضح رہے کہ اس کی ذاتی خرچوں میں کچھ ایسی بھی چیزیں ہیں جو غیر ضروری ہوتی ہیں، جیسے سپورٹس آئٹمز، لیپ ٹاپ، جم فیس اور دوسرے لگژری آئٹمز۔ برائے مہربانی اس مسئلے کے بارے میں رہنمائی فرمادیں۔ جزاک اللہ خیراً

صدقہ سے متعلق سوالات

Mon, 05 Oct 2020 10:48:00 GMT

سوال نمبر1۔ صدقہ اور خیرات میں کوئی فرق ہے کہ نہیں؟ اور کیاصدقہ دیتے وقت لینے والے کو بتانا ضروری ہے؟

سوال نمبر2۔ کیا صدقہ کی رقم سےکسی کی تنخوا ہ یا اجرت دی جا سکتی ہے؟ اور کیا صدقہ سے مدرسے کے طلباء کو یا کسی غریب کو راشن دیا جا سکتا ہے؟

سوال نمبر3۔ لوگ صدقہ کا بکرا کرتے ہیں۔ اس کی اسلامی نظریہ کے مطابق کیا حقیقت ہے؟ برائے مہربانی تفصیل سے جواب دیں۔

مال زکوۃ کا استعمال

Thu, 13 Aug 2020 03:56:50 GMT

آپ کے ادارے میں زکوۃ سے متعلق ہونے والے آن لائن درس میں شرکت کی، جس میں مفتی صاحب نے بیان فرمایا تھا کہ زکوۃ کے مستحق شخص کو اگر کوئی چیز مالک بنا کر دی جائے مثلا راشن بیگ تو وہ شخص اس سامان کو کسی بھی طرح سے استعمال کر سکتا ہے، مثلا وہ شخص وہ سامان بیچ کر نقد پیسے استعمال کر سکتا ہے۔ دریافت یہ کرنا تھا کہ کیا یہ اصول صرف انفرادی شخص پر لاگو ہوتا ہے یا پھر کوئی تنظیم بھی ایسا کرسکتی ہے؟

مویشی اور پلاٹ کی زکوٰۃ

Thu, 13 Aug 2020 03:49:07 GMT

میرے پاس چودہ بھینسیں ہیں، جو میں نے ستمبر سے لے کر اب تک مختلف اوقات میں خریدی ہیں اور میں نے ستمبر میں ہی فارم کے لیے پلاٹ بھی خریدا تھا اور میرا اس پلاٹ کو فی الحال بیچنے کا کوئی ارادہ نہیں ہے۔ برائے مہربانی رہنمائی فرمائیں کہ مجھے زکوٰۃ دینی ہے کہ نہیں؟ اور اگر دینی ہے تو کب دینی ہے؟ نیز میں نے ستمبر سے اب تک جو رقم دوبارہ جمع کی ہے، اس پر بھی زکوٰۃ بنتی ہے؟ میر ی رہنمائی کریں میں آپ کا انتہائی شکرگزار رہوں گا۔

زکوٰۃ کی رقم سے علاج کروانا

Wed, 05 Aug 2020 09:42:00 GMT

ایک خاتون کینسر کی مریض ہے، اس کے علاج پر ہر مہینے پچاس ہزار روپے کا خرچہ ہے۔ اس کے تین بچے ہیں، بڑی بیٹی کی عمر پندرہ سال ہے۔ اس کے شوہر کی آمدنی پچیس ہزار ہے۔ اس کے پاس کوئی زیور نہیں، سوائے چھوٹی موٹی کیلیں یا لاکٹ کے۔ مریضہ کے باپ کے پاس دو دوکانیں ہیں، ایک پر وہ خود بیٹھ کر کماتے ہیں اور دوسری انہوں نے کرائے پر دے رکھی ہے۔ اور دو گھر ہیں، ایک میں وہ خود اوپر کے حصے میں رہتے ہیں اور نیچے مریضہ رہتی ہے، دوسرا فلیٹ ہے جو کرائے پر ہے اور اس فلیٹ میں مریضہ بھی 25 فیصد کی حصے دار ہے، یعنی مریضہ نے فلیٹ کی مد میں ۲۵ فیصد رقم ملائی تھی۔ جس وقت فلیٹ لیا تھا، اس کی قیمت تیس لاکھ تھی، تو انہوں نے تقریباً ساڑھے سات لاکھ ملائے تھے۔ اس فلیٹ کی کل مالیت پچیس سے تیس لاکھ روپے ہے۔سوال یہ ہے کہ کیا ہم زکوٰۃ کی رقم سے اس کا علاج کرواسکتے ہیں؟

انویسٹ کی ہوئی رقم پر زکوٰۃ

Mon, 13 Jul 2020 07:35:24 GMT

میں نے کچھ رقم ایک فارما کمپنی میں انویسٹ کی ہے، جس کا ماہانہ بنیاد پر منافع ملتا ہے۔ سوال یہ ہے کہ جو رقم انویسٹ کی ہے، وہ میری ملکیت میں مانی جائے گی؟ اور کیا اس پر زکوٰۃ ادا کرنی ہوگی؟ اور ہاں تو کس حساب سے؟

زکوۃ، صدقات وغیرہ کن کو دینا زیادہ افضل ہے؟

Thu, 09 Jul 2020 04:49:41 GMT

زکوۃ، صدقات، فطرہ اور قربانی کی کھالیں قریبی مستحقین کو دینا زیادہ افضل ہے یا دور کے دینی اداروں کو جیسے دارالعلوم، بنوری ٹاؤن وغیرہ؟ ہم دور والوں کو دیں یا پھر قریبی مستحق لوگوں اور مستحق اداروں کو دیں؟

عباسی خاندان اور مسئلہ زکوٰۃ

Sun, 28 Jun 2020 10:58:42 GMT

ہمارے علاقے میں عباسی خاندان کی اکثریت ہے۔ جن کا شجرہ نسب محفوظ و مکتوب چلا آتا ہے۔ بعض علمائے کرام نے یہ مسئلہ بیان کیا کہ چوں کہ عباسی خاندان بنو ہاشم میں سے ہے اس لیے ان پر زکوٰۃ کی رقم خرچ نہیں کی جا سکتی ۔یہ ایک نئی بات تھی، چنانچہ لوگوں نے مختلف اشکالات ظاہر کیے،بعض نے کہا کہ مسئلہ بیان کرنے والے غیر عباسی اور مدارس کے علماء ہیں اس لیے تعصب اور زکوٰۃ کی رقم مدارس میں لے جانے کے لیے وہ اس بات کو اچھال رہے ہیں حالانکہ یہ کوئی بڑا اختلاف نہیں ہے۔یہ کوئی دینی معاملہ نہیں بلکہ انتظامی مسئلہ ہے کہ یہ ممانعت اس دور میں تھی جب بنو ہاشم حکمران تھے، اگر اس وقت انہیں زکوٰۃ کھانے کی اجازت دی جاتی تو وہ سارا مال آپس میں ہی بانٹ لیتے ۔اب جبکہ ان کی حکومت چلی گئی تو یہ حکم بھی چلا گیا۔ بعض کہتے ہیں اس دور میں بنو ہاشم کے لیے بیت المال سے وظائف مقرر تھے جب وظائف ختم ہو گئے تو ان کے حق میں حرمت زکوٰۃ بھی ختم ہو گئی ۔اگر ان کے لیے زکوٰۃ کے جواز کی رائے پر عمل نہ کیا جائے تو بنو ہاشم کے غرباء کے حقوق کا ضیاع لازم آئے گا۔بعض کہتے ہیں جس طرح عام لوگوں کے لیے صدقات اہل خاندان کو دینا افضل ہے اس طرح بنو ہاشم کے لیے بھی افضل یہ ہے کہ وہ اپنے خاندان والوں کو زکوٰۃ ادا کرے اور دوہرا اجر پائے، یہ حضرات مزید کہتے ہیں کہ بنو ہاشم پہ زکوٰۃ ہے تو حرام لیکن دوسروں کی حرام ہے اور آپس میں ایک دوسرے کی زکوٰۃ ان پر حرام نہیں ہے۔ یہ لوگ الفاظ حدیث ’’تؤخذ من اغنياءهم فترد في فقراءهم‘‘ سے بھی دلیل پکڑتے ہیں۔بعض لوگ کہتے ہیں کہ امام ابوحنیفہ رحمہ اللہ نے بنو ہاشم کے حق میں زکوٰۃ کے جواز کا فتویٰ دیا تھا، بعد میں لوگوں نے اسے بدل دیا۔ ایک سوال یہ بھی ہے کہ بنو ہاشم پر صرف زکوٰۃ ہی حرام ہے یا مذکورہ حرمت فطرانہ ، عشر ، فدیہ رمضان ، یا کفارہ کو بھی شامل ہے ؟عرض ہے کہ ان سوالات و اشکالات کا مفصل ومدلل جواب عطا فرمائیں۔

مسئلہ زکوٰۃ

Sun, 28 Jun 2020 09:59:44 GMT

مجھے زکوٰۃ کا مسئلہ پوچھنا ہے۔ میرے پاس چھ تولہ سونا، پانچ تولہ چاندی اور تقریباً تین لاکھ روپے ہیں جو استعمال نہیں ہوۓ اور ان پر سال گزرگیا ہے۔تو مجھے کتنی رقم زکوٰۃ کے لیے نکالنی ہوگی؟ اس کی وضاحت فرمادیجئے۔ اس سے قبل میں نے دس ہزار روپے زکوٰۃ میں دیے تھے جبکہ اس وقت میرے پاس سوا چھ تولہ سونا، پانچ تولہ چاندی اور ایک لاکھ روپے تھے۔ اس کی بھی وضاحت فرما دیں کہ میں نے رقم ٹھیک ادا کی یا مزید ادا کرنی تھی؟ جزاک اللہ خیراً

مال زکوۃ کی تقسیم میں تاخیر کرنا

Sun, 28 Jun 2020 09:56:00 GMT

سائل ایک ادارے میں ملازمت کرتاہے، ادارہ کی وساطت سے زکوۃ کے متعلق درج ذیل سوال کے بارے میں تحریری فتوی درکار ہے۔ ادارہ ہذا نے اپنے غریب اور مستحق ملازمین کی امداد کے لیے ایک زکوۃ فنڈ قائم کر رکھاہےاور اس فنڈ میں ڈالی گئی رقوم کو ایک پرائیویٹ بینک میں کرنٹ اکاؤنٹ میں جمع کیا جاتا ہے۔ ہر سال ادارہ کے صاحب نصاب ملازمین اپنی زکوۃ کا کچھ حصہ اس فنڈ میں جمع کرواتے ہیں جس میں سے ماہانہ کی بنیاد پر مستحق افراد کو زکوۃ کی ایک مقرر کردہ رقم فراہم کی جاتی ہے۔ اس زکوۃ فنڈ میں لوگ ہر سال کچھ رقوم جمع کرواتے ہیں اور اس میں سے کچھ رقوم مستحق افراد میں تقسیم کی جاتی ہیں، اس طرح اس فنڈ میں ہمیشہ کچھ نہ کچھ رقم موجود رہتی ہے۔ سوال یہ ہے کہ کیا ایک سال میں جمع کروائی گئی زکوۃ کی رقم کو اسی سال مستحق افراد میں تقسیم کرنا لازم ہے یا اس کی تقسیم کے عمل کو اگلے سالوں تک پھیلا یا جاسکتا ہے؟ براہ کرم اس بارے میں تحریری فتوی عنایت فرمائیں۔

رہائشی پلاٹ پر زکوٰۃ

Fri, 26 Jun 2020 06:06:12 GMT

میرے پاس ایک رہائشی پلاٹ ہے، کیا وہ بھی زکوۃ کے نصاب میں شامل ہوگا؟

جانوروں پر زکوۃ کا مسئلہ

Fri, 12 Jun 2020 06:33:08 GMT

ایک صاحب کا بھینسوں کا باڑا ہے، وہ ان کا دودھ نکالتے ہیں، کیا ان پر زکوۃ ہوگی؟ اسی طرح کچھ جانور آگے دیے ہوتے ہیں جن کے چارے اور جگہ کا خرچہ یہ دیتے ہیں یا کچھ جانور گابھن کرنے کےلیے دیے ہوتے ہیں تو کیا ان پر زکوۃ ہوگی یا نہیں؟

مسئلہ زکوٰۃ

Wed, 03 Jun 2020 05:35:13 GMT

ادائیگی زکوٰۃ کے حوالے رہنمائی درکار ہے، میرے پاس دو پلاٹس ہیں، پہلا مئی ۲۰۱۸ء میں تیس لاکھ میں خریدا تھا، اس میں نیت یہ تھی کہ یا تو اسے بیچ کر دوسرے خالی پلاٹ کو اپنی رہائش کے لیے تعمیر کریں گے یا اسے چھوٹے بھائی کو ان کی رہائش کے لیے دے دیں گے، ان شاء اللہ۔ دوسرا پلاٹ اگست ۲۰۱۹ء میں اسی لاکھ میں خریدا تھا، جس میں نیت اسے تعمیر کرکے رہائش اختیار کرنا ہے، ان شاء اللہ۔ سوال یہ ہے کہ کیا یہ دونوں پلاٹس زکوٰۃ کے حساب کتاب میں شامل کیے جائیں گے؟

مسائل زکوٰۃ

Mon, 01 Jun 2020 04:03:50 GMT

عرض یہ ہے کہ ہماری برادری مل کر ایک ادارہ بنانا چاہتے ہیں، جو زکوٰۃ کی رقم سے اپنی برادری کے لوگوں کی مدد کرسکے۔ اس ادارےمیں زکوٰۃ دینے والے لوگ بھی چوڑی برادری کے لوگ ہیں اور زکوٰۃ لینے والے بھی چوڑی برادری کے لوگ ہوں گے۔اگر اضافی رقم ہوگی تو باہر کے لوگوں میں بھی دے دیں گے، مگر دیں گے انہی کو جن کو ہم بذات خود جانتے ہوں گے۔زکوٰۃ جن لوگوں کو دی جاسکتی ہے، اس کی بھی وضاحت فرمادیجیے۔ اور طریقہ کار بھی واضح کردیجیے۔ نیز کس کس مد میں زکوٰۃ دی جاسکتی ہے، اس پر بھی رہنمائی فرمادیجیے۔جزاک اللہ خیراً

مسئلہ زکوٰۃ

Mon, 01 Jun 2020 04:00:10 GMT

ایک خاتون کے مطابق ان کے پاس تین تولہ سونا ہے، کرائے کا گھر ہے، جس کا کرایہ چودہ ہزار ہے۔ ان کا اپنا ایک گھر ہے جس کی مالیت تقریباً اٹھارہ سے بیس لاکھ روپے ہے، یہ کرائے پر دیا ہوا ہے، جسے سے چھ ہزار روپے کرایہ آتا ہے۔ ان کے پاس دو لاکھ روپے سیونگز ہیں، جو ابھی دو ماہ قبل کہیں انویسٹ کیے ہیں، لیکن کورونا وائرس کی وجہ سے اس سے کوئی نفع نہیں ملا۔ اس کے علاوہ ان کے اوپر دو لاکھ نوے ہزار روپے قرض ہے، جو انہوں نے چکانا ہے۔ تقریباً دو سال قبل ایک پلاٹ کی بکنگ کروائی ہے، وہاں پچاس ہزار روپے جمع ہیں، لیکن اس میں سے بیس پچیس ہزار ایسے ہوں گے جن پر ایک سال گزرچکا ہے۔ اس کے علاوہ ایک جگہ پچاس ہزار کی بی سی ڈالی ہوئی ہے، جس کے پچیس ہزار ادا کرچکے ہیں۔ سوال یہ ہے کہ ان پر زکوٰۃ لاگو ہوگی یا نہیں؟ اور ہوگی تو کس طرح حساب کتاب کیا جائے گا؟