Fatawaa - علوم القرآن

غیر عالم کےلیے وعظ کہنا

Fri, 22 Jan 2021 07:04:53 GMT

کسی غیر عالم کو وعظ و نصیحت اور تبلیغ کرنے کی اجازت ہے یا نہیں؟ اگر ہے تو کس حد تک اور ممانعت ہے تو کہاں تک؟ رہنمائی فرمادیں۔

حضرت ایوب علیہ السلام کی بیماری

Fri, 15 Jan 2021 07:40:00 GMT

حضرت ایوب علیہ السلام کے بارے میں آتا ہے کہ ان کے جسم میں معاذ اللہ کیڑے پڑگئے تھے، جس کی وجہ سے انہیں کچرے میں پھینک دیا گیا تھا۔ یہ روایت بظاہر تو صحیح معلوم نہیں ہوتی۔ اس کی تحقیق فرمادیں۔ جزاکم اللہ

قرآن پڑھ كر کسی کو ثواب پہنچانا

Wed, 30 Dec 2020 04:27:37 GMT

ہم جو آیات یا سورتیں حفظ کر رہے ہوتےہیں، توان کو یاد کرتے وقت بار بار پڑھتےہیں، کیا ہم ان کو پڑھ کرایصال ثواب کر سکتے ہیں؟ رہنمائى فرمائىں۔

سجدۂ تلاوت كا حكم

Tue, 29 Dec 2020 09:53:51 GMT

(۱) سجدۂ تلاوت کے بارے میں کیا حکم ہے؟ (۲) خاص طور پر حفظِ قرآن كے طلبہ کے لىے، اگر اس وقت سجدہ نہ کیا اور بعد میں بھول گئے، تو اس حوالے سے بھى رہنمائى فرمادىں۔

صحابہ کرام کےلیے رضی اللہ عنہ کہنا

Wed, 25 Nov 2020 06:15:43 GMT

پورے قران میں ایک بار یہ آیت ہے، سورۃ الاحزاب میں ہے: ان الله وملائکته یصلون علی النبی یا أیها الذین امنوا صلوا علیه وسلموا تسلیما. اس کے حکم سے مؤمنین نماز تک میں درود و سلام پڑھتے ہیں ’’علی محمد وآل محمد‘‘ نماز سے باہر’’وعلی اصحابه‘‘ کہتے ہیں، مگر نماز میں نہیں کہتے۔

پورے قران میں 5 بار ’’رضی اللہ عنہ‘‘ آیا ہے۔ مگر ایک بار بھی یہ حکم نہیں فرمایا کہ تم بھی کہو’’رضی اللہ عنہ‘‘، دوسری بات یہ کہ پانچوں جگہوں پر’’رضی اللہ عنہ‘‘ مومنین کیلئے آیا ہے۔ ایک بار بھی"اصحاب"کے کلمہ کے ذکر کے ساتھ نہیں ہے۔ سورۃ الفتح میں باوجود یہ کہ"صحابہ" بیعت کر رہے تھے مگر "عن الاصحاب" نہیں فرمایا۔ بلکہ "عن المؤمنین" فرمایا۔ میری نظر سے کوئی ایسی آیت نہیں گزری جس میں اللہ تعالی نے درود کی طرح "صحابہ" کےلیے’’رضی اللہ عنہ‘‘ کہنے کا امت کو یا غیر’’صحابہ‘‘کو حکم فرمایا ہو۔ آپ کے علم میں ایسی آیت ہو تو میری ضرور رہنمائی کریں۔

اور میں جاننا چاہتی ہوں کہ "محمد وآل محمد" پر درود وسلام تو ہم اس آیت میں حکم کی وجہ سے پڑھتے ہیں۔ مگر’’صحابہ‘‘کے نام کے ساتھ کس آیت کے حکم سے ’’رضی اللہ عنہ‘‘ پڑھتے ہیں؟

یہ ایک شیعہ مبلغہ کے سوالات ہیں، وہ ہمیں کلاسز میں بھی پریشان کرتی ہیں۔ اب میسجز کے ذریعے کام کر رہی ہیں، جب بھی دلیل سے جواب دیں تو ان کے پاس نیا سوال ہوتا ہے۔ آپ مدلل جواب بتادیجئے۔

اللہ کی راہ میں خرچ کرنے کا اجر

Mon, 26 Oct 2020 06:20:44 GMT

درج ذیل آیت اور روایت کی وضاحت فرما دیں۔ کیونکہ اس سے یہ شبہہ ہورہا ہے کہ اللہ کی راہ میں خرچ کرنا سب سے کم درجہ ہے جب کہ دوسرے مقامات پر انفاق فی سبیل اللہ کا بہت اجر بتایا گیا ہے۔ يَسْــَٔـلُوْنَكَ مَاذَا يُنْفِقُوْنَ قُلْ مَآ اَنْفَقْتُمْ مِّنْ خَيْرٍ فَلِلْوَالِدَيْنِ وَالْاَقْرَبِيْنَ وَالْيَتٰمٰى وَالْمَسٰكِيْنِ وَابْنِ السَّبِيْلِ وَمَا تَفْعَلُوْا مِنْ خَيْرٍ فَاِنَّ اللّٰهَ بِه عَلِيْمٌ. (البقرة:215)

تفسیر ابن کثیر میں حضرت ابن عباس رضی اللہ عنہما سے ابوصالح کی روایت میں منقول ہے کہ یہ آیت کریمہ عمرو بن جموح انصاری رضی اللہ عنہ کے بارے میں نازل ہوئی یہ بہت عمر رسیدہ اور کثیر مال والے تھے۔ انھوں نے عرض کیا : یارسول اللہ! میں کیا چیز صدقہ کروں؟ اور کس چیز پر صدقہ کروں اس پر آیت نازل ہوئی۔ اور حضرت عبداللہ بن عباس ہی سے عطاء کی روایت میں یہ منقول ہے کہ یہ آیت کریمہ اس شخص کے متعلق نازل ہوئی جس نے رسول اللہ کی خدمت میں عرض کیا کہ میرے پاس ایک دینار ہے آپ نے فرمایا کہ اسے اپنی ذات پر خرچ کر اور اس نے کہا کہ میرے پاس دوسرا دینار ہے، آپ نے فرمایا اپنے گھروالوں پر خرچ کر اس نے کہا میرے پاس تیسرا دینار ہے، آپ نے فرمایا اپنے خادم پر خرچ کر ،اس نے کہا میرے پاس چوتھا دینار ہے، آپ نے فرمایا اپنے والدین پر خرچ کر، اس نے کہا میرے پاس پانچواں دینار ہے، آپ نے فرمایا کہ اپنے رشتہ داروں پر خرچ کر، اس نے کہا میرے پاس چھٹا دینار ہے، آپ نے فرمایا کہ اللہ کے راستے میں خرچ کر اور یہ ان میں سے سب سے کم اجر کا باعث ہے۔ (تفسیر ابن کثیر 1 ۔ 251)

ذمی کافر کو مسجد آنے کی اجازت

Sat, 03 Oct 2020 04:21:29 GMT

سوال یہ ہے کہ قرآن کریم میں ہے: ’’انما المشرکون نجس فلا یقربوا المسجد الحرام‘‘ کہ مشرک لوگ نجس ہیں، اس لیے مسجد حرام کے قریب نہ آئیں۔ جبکہ فقہ حنفی میں اس کے برعکس ذمی کافر کو مسجد میں آنے کی اجازت دی گئی ہے۔ یہ تو قرآن اور فقہ حنفی میں تعارض ہے۔ دلائل کی روشنی میں اس کا کیا حل ہوسکتا ہے؟

سمندری جانور کا حکم

Fri, 02 Oct 2020 05:18:37 GMT

برائے مہربانی درج ذیل کے بارے میں رہنمائی فرما دیں کہ کیا یہ درست ہے؟ اور کیا اس کے مطابق کیا سمندر سے نکلنے والی ہر چیز کھائی جاسکتی ہے؟ جیسے کیکڑا، جھینگا، شارک، آکٹوپس، کستورا مچھلی(Oyester)، سشی(Sushi)، وغیرہ

’’کیا آپ جانتے ہیں کہ ہر وہ چیز جو سمندر سے نکلتی ہے اور صرف سمندر میں رہتی ہے، حلال ہے اور اس کا ذکر قرآن میں بھی موجود ہے:’’تمہارے لیے سمندر کا شکار اور اس کا کھانا حلال کردیا گیا ہے، تاکہ وہ تمہارے لیے اور قافلوں کے لیے فائدہ اٹھانے کا ذریعہ بنے‘‘(المائدۃ:96)۔ مزید ایک حدیث سے ہمیں یہ بھی معلوم ہوتا ہے آپﷺ کے دور میں لوگ وہیل اور بڑی مچھلیاں کھایا کرتے تھے۔

علم الاعداد

Thu, 03 Sep 2020 05:33:39 GMT

کیا حروف ابجد کو ہی علم الاعداد کہا جاتا ہے کہ جس کی دین میں ممانعت ہے؟ اگر نہیں تو علم الاعداد سے کونسا علم مراد ہے؟ مزید یہ کی تسمیہ کی جگہ۷۸۶ کے عدد کا استعمال کرنا جائز ہے؟ اگر ہے تو کس حد تک اس کے استعمال کی گنجائش بنتی ہے؟

عروس القرآن کا مطلب

Sat, 22 Aug 2020 06:48:20 GMT

عروس القرآن کون سی سورت کوکہا جاتا ہے اور کیوں؟ اس کا مطلب کیا ہے؟

سورہ توبہ کے شروع میں ”بسم اللہ“ نہ ہونے کی وجہ

Sat, 22 Aug 2020 06:44:41 GMT

سورہ توبہ کے شروع میں ”بسم اللہ“ نہ ہونے کی وجہ کیا ہے؟

وتر میں پڑھی جانے والی سورتیں

Tue, 28 Jul 2020 06:00:34 GMT

کیا طحاوی میں حضرت علی رضی اللہ تعالی عنہ سے وتر کی ان نو سورتوں کی ان ہی ترتیبوں کے ساتھ کوئی روایت موجود ہے؟ اگر ہے تو براہ کرم ہمیں بھیج دیں۔ سورتیں یہ ہے:

پہلی رکعت میں: سورۃ القدر، سورۃ الزلزال، سورۃ التکاثر

دوسری رکعت: سورۃ العصر، سورۃ الکوثر، سورۃ النصر

تیسری رکعت: سورۃ الکافرون، سورۃ اللھب، سورۃالاخلاص

قرآن مجید میں مور کے پر رکھنے کا حکم

Wed, 15 Jul 2020 05:09:17 GMT

بعض لوگ قرآن مجید میں مور کے پر ثواب سمجھ کر رکھتے ہیں، حالانکہ یہ بات یقین سے بھی نہیں کہی جاسکتی کہ آیا وہ نجاست سے پاک ہیں یا نہیں۔ براہ کرم مذکورہ مسئلہ سے متعلق شرعی حکم بیان فرما دیجئے۔

قرآن مجید کے ریک کو جوتوں کے لیے استعمال کرنا

Wed, 15 Jul 2020 04:33:45 GMT

سوال یہ ہے کہ قرآن مجید کے لیے بنائے گئے ریک کو، جس میں کافی عرصے تک قرآن مجید رکھے رہے ہوں، جوتوں کے ریک کے طور پر استعمال کیا جاسکتا ہے؟ اگر ایسا کیا گیا ہو تو کیا حکم ہے؟

’’من روحی‘‘ سے مراد

Fri, 26 Jun 2020 06:40:34 GMT

سورہ ص میں ’’من روحی ‘‘ سے کیا مراد ہے؟

قرآن پاک پڑھنا چھوڑدینا

Fri, 12 Jun 2020 09:56:23 GMT

جس شخص نے لڑکپن میں قرآن پاک کو پڑھا اور دہرایا لیکن جوان ہوکر قرآن پاک پڑھنے سے قاصر ہوجائے اور وقت اور وسائل ہونے کے باوجود قرآن دوبارہ نہ سمجھے اور نہ پڑھنا سیکھے تو اس کے لیے کیا حکم ہے؟

لے پالک بچے کی نسبت

Wed, 03 Jun 2020 06:30:50 GMT

کیا لے پالک بچے کو والد کا نام نہ دینا گناہ ہے؟ اگرچہ والد کی وراثت میں اسے حصہ مل رہا ہو اور چچا ہی نے اسے گود لیا ہو، اسکول میں اس کے والد کا نام چچا ہی کا رکھا گیا ہو، کیا والد کا نام دینا لازمی ہے؟ اور نہ دینے کی صورت میں گناہ ہے؟

ممسلسل گناه كبيره كا ارتكاب

Mon, 01 Jun 2020 07:30:30 GMT

بعض مقررین یہ بیان کرتے ہیں کہ جانتے بوجھتے کسی ایک کبیرہ گناہ کے مسلسل ارتکاب سے کوئی مسلمان خلود فی النار کا مستحق ہو جاتا ہے اور اس کے لیے وہ سورۃ البقرہ کی آیت «بلی من کسب...» کا حوالہ دیتے ہیں ازراہ کرم مذکورہ آیت کی تفسیر کے ساتھ ساتھ اس معاملے میں شرعی راہ نمائی فرمائیں ۔

سورۃ القلم کی تفسیر میں مذکور روایت کی تحقیق

Wed, 13 May 2020 08:08:18 GMT

سورة القلم كي پهلي آيت هے: «ن وَالْقَلَمِ وَمَا يَسْطُرُونَ» اس كي تفسير ميں کہا گیا ہے کہ یہاں «ن» سے مراد وہ بڑی مچھلی ہے جو ایک محیط عالم پانی پر ہے جو ساتوں زمینوں کو اٹھائے ہوئے ہے، ابن عباس سے مروی ہے کہ سب سے پہلے اللہ نے قلم کو پیدا کیا اور اس سے فرمایا لکھ اس نے کہا کیا لکھوں؟ فرمایا تقدیر لکھ ڈال پس اس دن سے لے کر قیامت تک جو کچھ ہونے والا ہے اس پر قلم جاری ہو گیا پھر اللہ تعالیٰ نے مچھلی پیدا کی اور پانی کے بخارات بلند کئے، جس سے آسمان بنے اور زمین کو اس مچھلی کی پیٹھ پر رکھا مچھلی نے حرکت کی جس سے زمین بھی ہلنے لگی پس زمین پر پہاڑ گاڑ کر اسے مضبوط اور ساکن کر دیا، پھر آپ نے اس آیت کی تلاوت کی (ابن ابی حاتم) مطلب یہ ہے کہ یہاں "ن" سے مراد یہ مچھلی ہے، طبرانی میں مرفوعاً مروی ہے کہ سب سے پہلے اللہ تعالیٰ نے قلم کو اور مچھلی کو پیدا کیا قلم نے دریافت کیا میں کیا لکھوں؟ حکم ہوا ہر وہ چیز جو قیامت تک ہونے والی ہے پھر آپ نے پہلی آیت کی تلاوت کی، پس نون سے مراد یہ مچھلی ہے اور قلم سے مراد یہ قلم ہے، ابن عساکر کی حدیث میں ہے سب سے پہلے اللہ تعالیٰ نے قلم کو پیدا کیا پھر نون یعنی دوات کو پھر قلم سے فرمایا لکھ اس نے پوچھا کیا ؟ فرمایا جو ہو رہا ہے اور جو ہونے والا ہے عمل، رزق عمر، موت وغیرہ، پس قلم نے سب کچھ لکھ لیا۔ اس آیت میں یہی مراد ہے، پھر قلم پر مہر لگا دی اب وہ قیامت تک نہ چلے گا، پھر عقل کو پیدا کیا اور فرمایا مجھے اپنی عزت کی قسم اپنے دوستوں میں تو میں تجھے کمال تک پہنچاؤں گا اور اپنے دشمنوں میں تجھے ناقص رکھوں گا، مجاہد فرماتے ہیں یہ مشہور تھا کہ نون سے مراد وہ مچھلی ہے جو ساتویں زمین کے نیچے ہے، بغوی وغیرہ مفسرین فرماتے ہیں کہ اس مچھلی کی پیٹھ پر ایک چٹان ہے جس کی موٹائی آسمان و زمین کے برابر ہے اس پر ایک بیل ہے جس کے چالیس ہزار سینگ ہیں اس کی پیٹھ پر ساتوں زمینیں اور ان پر تمام مخلوق ہے، واللہ اعلم

تفسیر الطبری ج ٢٣ ص ٥٢٤ میں ہے: حدثنا واصل بن عبد الأعلى، قال: ثنا محمد بن فُضَيل، عن الأعمش، عن أبي ظبيان، عن ابن عباس قال: أوّل ما خلق الله من شيء القلم، فقال له: اكتب، فقال: وما أكتب؟ قال: اكتب القدر، قال فجرى القلم بما هو كائن من ذلك إلى قيام الساعة، ثم رفع بخار الماء ففتق منه السموات، ثم خلق النون فدُحيت الأرض على ظهره، فاضطرب النون، فمادت الأرض، فأُثبتت بالجبال فإنها لتفخر على الأرض(تفسير الطبري) ترجمہ:’’ أبي ظبيان ، ابن عباس سے روایت کرتے ہیں سب سے پہلی چیز جو الله نے خلق کی وہ قلم ہے پس اس کو حکم دیا لکھ – قلم نے کہا کیا لکھوں ؟ فرمایا تقدیر لکھ پس قلم لکھنا شروع ہوا جو بھی ہو گا قیامت تک ، پھر اس کی سیاہی کے بخارات آڑ گئے جس سے آسمان بن گئے پھر النون کو تخلیق کیا جس پر زمین کو پھیلا دیا پھر النون پھڑکی جس سے زمین ڈگمگائی پس پہاڑ جما دیے‘‘۔

سوره القلم کی تفسیر میں ابن کثیر لکھتے ہیں: وَقَالَ ابْنُ أَبِي نَجِيحٍ: إِنَّ إِبْرَاهِيمَ بْنَ أَبِي بَكْرٍ أَخْبَرَهُ عَنْ مُجَاهِدٍ قَالَ: كَانَ يُقَالُ النُّونُ الْحُوتُ الْعَظِيمُ الذي تحت الأرض السابعة، وقد ذكر الْبَغَوِيُّ وَجَمَاعَةٌ مِنَ الْمُفَسِّرِينَ إِنَّ عَلَى ظَهْرِ هذا الحوت صخرة سمكها كغلظ السموات وَالْأَرْضِ، وَعَلَى ظَهْرِهَا ثَوْرٌ لَهُ أَرْبَعُونَ أَلْفَ قَرْنٍ وَعَلَى مَتْنِهِ الْأَرَضُونَ السَّبْعُ وَمَا فِيهِنَّ وما بينهن، والله أَعْلَمُ.(ابن کثیر) ترجمہ:’’ اور ابن أَبِي نَجِيحٍ نے کہا کہ ان کو ابراہیم بن بکر نے خبر دی کہ مجاہد نے کہا وہ (لوگ) کہا کرتے النون ایک عظیم مچھلی ہے جو ساتویں زمین کے نیچے ہے اور البغوی نے ذکر کیا اور مفسرین کی ایک جماعت نے کہ اس مچھلی کے پیچھے چٹان ہے جیسے زمین و آسمان ہیں اور اس کے پیچھے بیل ہے جس کے چالیس ہزار سینگ ہیں‘‘۔

سوال يه هے كه كيا مچھلی والی بات درست اور حدیث سے ثابت ہے؟

’’اولوا الامر‘‘ کی تفسیر

Tue, 12 May 2020 05:58:15 GMT

سورۃ النساء آیت نمبر۵۹ کے ذیل میں یہ واضح فرمائیے کہ کیا ’’اولوا الامر‘‘ سے مراد حکمران وقت ہیں؟ مزید یہ کہ اختلاف کی صورت میں جو معاملے کو اللہ اور رسول کی طرف لوٹانے کو کہا گیا ہے تو کیا یہ اختلاف مسلمانوں کا حکمران وقت سے ہے یا مسلمانوں کے درمیان کسی فقہی مسئلے میں اختلاف مراد ہے؟یہ بھی واضح کیجیے کہ اس آیت سے حکمران وقت کے خلاف بغاوت کی کیا صورت ہوسکتی ہے اس پر بھی روشنی ڈالیے، برائے مہربانی اگر تفصیلی جواب ابھی ممکن نہ ہو تو اس حوالے سے مطالعہ کرنے لیے کسی مفصل کتاب کا نام بتادیجیے۔