Fatawaa - نماز

نیند کے غلبہ کے وقت نماز پڑھنا

Fri, 22 Jan 2021 06:30:41 GMT

مندرجہ ذیل حدیث کے حوالے سے درج ذیل سوالات کے ضمن میں براہ کرم راہنمائی فرما دیجیئے:

رسول اللہ ﷺ نے فرمایا (بروایت حضرت انس بن مالک) تم میں سے جب کسی کو نماز پڑھتے پڑھتے نیند کا غلبہ ہونے لگے تو اسے چاہیے کہ سو جائے یہاں تک کہ (نیند کا خمار کچھ نکل جائے اور) وہ یہ سمجھ سکے کہ میں کیا پڑھ رہا ہوں۔ (صحیح بخاری، سنن النسائی)

کیا مندرجہ بالا حدیث کی اسنادی حیثیت درست ہے؟ اور کیا نیند کو نماز پر فوقیت دینا شرعا درست ہے؟ اور کیا نیند کے غلبے کے تحت فجرکی نماز یا دیگر نمازوں کو مؤخر کرنا اور آخری وقت میں پڑھنا درست ہے؟ نیند کے غلبے کی وجہ سے باجماعت نماز کو چھوڑنا، کیا یہ شرعا درست ہے؟ جزاکم اللہ خیرا

نماز چھوڑنے پر کفر کا حکم لگانا

Wed, 06 Jan 2021 04:18:00 GMT

یہ حدیث مبارکہ سند اور صحت کے اعتبار سے کس درجہ کی ہے ’’من ترك الصلوة متعمدا فقد كفر‘‘ نيز اگر یہ حدیث مبارکہ دلیل اور حجت کی حیثیت رکھتی ہے تو پھر آجکل ہماری نجانے کتنی صلواتیں (نمازیں) چھوٹ جاتی ہیں یا رہ جاتی ہیں تو کیا ہر صلوٰۃ چھوٹ جانے یا ترک ہو جانے پر ایمان اور نکاح کا اعادہ اور تجدید ضروری ہو گا؟ کیونکہ اگر کلمہ کفر جیسے زبانی فعل سے نکاح منسوخ ہوگیا تو صلوٰۃ چھوٹ جانا تو عملی کفر ہوا اس لحاظ سے یہ زیادہ خطرناک ہونا چاہیے؟

میاں بیوی کا ایک جائے نماز پر نماز پڑھنا

Tue, 29 Dec 2020 11:19:08 GMT

مجھے یہ شوق ہے کہ میں کسی بڑے جائے نماز پر اپنی اہلیہ کے ساتھ کھڑے ہوکر قضاء عمری ادا کروں۔ کیا اس طرح کرنا میرے لیے درست ہے؟

جرابوں پر مسح کرنے والے اور ہاتھ میں قرآن اٹھاکر نماز پڑھانے والے امام کے پیچھے نماز

Tue, 29 Dec 2020 11:13:40 GMT

میرے گھر کے قریب دو مساجد ہیں، ایک کے امام صاحب موزے (جرابوں) پر مسح کرکے نماز پڑھ لیتے ہیں اور دوسرے جو ایسا نہیں کرتے تو وہ قرآن ہاتھ میں لے کر نماز پڑھاتے ہیں۔ اب کیا کیا جائے؟

خواتین کےلیے عید کی نماز کا حکم

Tue, 29 Dec 2020 11:02:26 GMT

ذیل میں ایک تحریر لکھی جارہی ہے جس کے ذریعہ کچھ لوگ خواتین کو عید کی نماز میں شریک ہونے کا حکم اور ترغیب دیتے ہیں۔ اس کا جواب عنایت فرمائیں۔

’’نماز عیدین عورتوں پر بھی اسی طرح فرض ہے جس طرح مردوں پر فرض ہے۔ ام عطیہ رضی اللہ عنہا فرماتی ہیں کہ ہمیں حکم ہوا کہ ہم عیدین کے دن حائضہ عورتوں اور پردہ نشین لڑکیوں کو باہر لے جائیں تاکہ وہ جماعت المسلمین کے ساتھ دعاؤں میں شامل ہو سکیں، البتہ حائضہ عورتوں کو نماز کی جگہ سے علیحدہ رکھیں۔ ایک عورت نے کہا یا رسول اللہ! ہم میں بعض ایسی بھی ہوتی ہیں جن کے پاس چادر (برقع) نہیں ہوتی۔ آپ صلی اللہ علیہ و سلم نے فرمایا کہ اس کے ساتھ جانے والی عورت کو چاہیے کہ وہ اپنی چادر کا ایک حصّہ اسے اوڑھا دے۔ (صحیح بخاری، کتاب الصلوٰۃ، باب وجوب الصلاۃ فی الثیاب)

اے ایمان والو! غور کرو کہ عورتوں کا عید گاہ میں جانا کتنا ضروری ہے؟ اے ایمان والو! صلوٰۃ العیدین میں عورتوں کا جانا حکمِ رسول ﷺسے ثابت ہے۔ کیا آج اس پر عمل ہو رہا ہے؟ غور کیجیئے جو لوگ عورتوں کو صلوٰۃ العید ین کے اجتماع میں جانے کے لیے تو منع کرتے ہیں مگر شادی بیاہ کی غیر ضروری و جاہلانہ رسموں اور گانے بجانے کی محفلوں میں جانے سے منع نہیں کرتے اور وہاں جو کچھ ہوتا ہے وہ کسی سے چھپا ہوا نہیں ہے۔‘‘

نماز مىں ثناء، تعوذ تسميہ وغىرہ كا احادىث سے ثبوت

Sat, 28 Nov 2020 05:23:00 GMT

نماز مىں ثناء، تعوذ، تسمیہ، سورہ فاتحہ پھر كم از كم تىن قرآنى آیات، ركوع كے كلمات، سجدہ كے كلمات اور قعدہ كے كلمات، پھر آخرمىں دائیں بائیں سلام پھیرنا۔ ان تمام كلمات كو اپنے اپنے مقام پر پڑھنے اور اسى ترتیب كے ساتھ پڑھنے كا بىان احادىث صحاح ستہ سے ثابت ہے؟ اگر ثابت ہے تو برائے مہربانى ان احادىث كے حوالہ جات دے دیں۔ جزاك اللہ۔

بے نمازی کا جنازہ

Wed, 28 Oct 2020 03:36:01 GMT

ہمارے ہند وپاک میں جو جتنا بڑا بے نمازی ہوتا ہے اس کے جنازے میں بدعات بھی اتنی زیادہ ہوتی ہیں۔ بے نمازی کے بارے میں ائمہ کے اقوال بھی بہت سخت ہیں کہ ایسا شخص مسلمان ہی نہیں جو بالکل نماز نہیں پڑھتا، قتل تک کے فتاوی ہیں۔ میں یہ نہیں کہہ رہا کہ میں بہت بڑا نمازی ہوں لیکن نماز کی اہمیت اجاگر کرنے کی خاطر کیا یہ ممکن نہیں کہ جو علمی بڑی شخصیات ہوں وہ اس کے جنازے میں شریک نہ ہوں، بس کچھ قریبی رشتے دار اور امامِ مسجد اس کے جنازے اور تدفین کی کارروائی مکمل کریں؟ جس طرح آپ ﷺ کے پاس مقروض کا جنازہ لایا گیا تو آپ نے خود نہیں پڑھا لیکن صحابہ کرام رضی اللہ عنھم کو منع بھی نہیں کیا۔

سنت مؤکدہ اور غیر مؤکدہ کی ادائیگی میں فرق

Sat, 24 Oct 2020 05:56:53 GMT

ذیل میں سنت مؤکدہ اور سنت غیر مؤکدہ کی ادائیگی میں جو فرق بیان کیا گیا ہے، اس حوالے سے رہنمائی فرمائیں۔ کیا یہ درست ہے؟

’’سنتِ مؤکدہ و غیرمؤکدہ کی ادائیگی میں فرق یہ ہے کہ اگر نمازی چار رکعت سنتِ مؤکدہ ادا کر رہا ہے تو دوسری رکعت کے قعدہ میں تشہد پورا پڑھنے کے بعد اور درودِ ابراہیمی سے قبل کھڑا ہوجائے۔ تیسری اور چوتھی رکعت میں سورہ فاتحہ کے بعد کوئی سورۃ ملاکر معمول کے مطابق قعدہ اخیرہ میں تشہد، درودِ ابراہیمی اور دعا پڑھ کر سلام پھیر دے۔ جبکہ سنتِ غیر مؤکدہ کی ادائیگی کے دوران دوسری رکعت کے قعدہ میں تشہد کے بعد درودِ ابراہیمی اور دعا پڑھے پھر تیسری رکعت کے لیے کھڑا ہوا جائے، تیسری رکعت کے لیے کھڑے ہونے کے بعد سورہ فاتحہ سے پہلے ثناء اور تعوذ و تسمیہ پڑھے۔ بقیہ نماز مؤکدہ سنتوں کی طرح ادا کریں گے۔‘‘

نجی ادارے کے جبر کی وجہ سے جمعہ ادارے میں پڑھنا

Thu, 22 Oct 2020 11:37:24 GMT

کورونا کی وبا کے بعد جبکہ حکومت کی جانب سے SOPs پر مکمل عمل درامد کے بعد مساجد میں نماز پنجگانہ اور نماز جمعہ ادا کی جاسکتی ہے، الحمدللہ۔ مگر ہمارے ادارے جہاں میں نوکری کرتا ہوں ، وہاں پر تمام ملازمین کو نماز جمعہ کی ادائیگی کے لئے مسجد جانے پر پابندی ہے۔ اور ان کا کہنا ہے کہ آپ دفتر میں ہی جمعہ کی نماز پڑھ لیں یا پڑھا لیں۔ اگر آپ نماز جمعہ کی ادائیگی کے لئے مسجد گئے تو نوکری سے برخاست کیا جاسکتا ہے۔ ان حالات میں جبکہ حکومت کی جانب سے نرمی کی گئی مگر ایک نجی ادارہ اپنے ملازمین کے ایسا حکم نامہ جاری کرےتو ہم کیا کریں؟ سوال یہ ہے کہ کیا ہم نماز جمعہ دفتر میں ہی ادا کرسکتے ہیں جبکہ دفتر میں موجود ایک ساتھی جو با شرع ہیں، نماز جمعہ کا خطبہ بھی وہ پڑھ سکتے ہیں اور باجماعت نماز اور خصوصاً نماز جمعہ کے مسائل کے بارے میں بھی جانتے ہیں؟

نیند کی وجہ سے نماز قضاء کرنا اور وعدہ رزق

Wed, 21 Oct 2020 05:04:37 GMT

سوال نمبر۱: بعض اوقات شدید تھکاوٹ یا نیند کا معاملہ ہوتا اور عین اس وقت نماز کا وقت ہو جاتا ہے ایسی حالت میں نماز ادا کرنا بڑا مشکل ہو جاتا ہے کیا اس حالت میں ہم نماز قضا کر کے پڑھ سکتے ہیں؟

سوال نمبر۲: دوسرا سوال یہ ہے کہ کیا یہ بات درست ہے جو رزق انسان کے نصیب میں لکھ دیا گیا ہے اسے اتنا ہی ملے گا چاہے اب انسان آٹھ گھنٹے کام کرے یا چوبیس گھنٹے کام کرے، انسان کا جو رزق لکھ دیا گیا اس سے زیادہ نہیں مل سکتا اسے تفصیل سے بیان کردیجیے۔

بچوں کو نماز فجر کےلیے جگانا

Mon, 05 Oct 2020 11:08:13 GMT

بچوں کو فجر کی نماز ادا کرنے کے لیے جگانے کا کیا حکم ہے؟ بچے جاگتے نہیں ہیں کہ جاؤ ہم نماز نہیں پڑھتے۔ سوتے بچوں کےلیے کیا حکم ہے؟ میں نے جس مدرسے سے تعلیم حاصل کی وہاں سوئے ہوئے کو فجر میں جگانے سے منع کرتے تھے، میں قرآن پڑھاتی ہوں، میں بھی جگانے سے منع کرتی ہوں۔ صحیح مسئلے کی طرف راہنمائی فرمائیے۔

مرحوم کی نمازوں کا فدیہ

Mon, 05 Oct 2020 11:03:00 GMT

اگر کسی کی کچھ نمازیں رہتی ہوں اور وہ فوت ہو گیا تو اس کے ورثاء پر نمازوں کا فدیہ ادا کرنا جائز یا واجب ہے؟ اور اس کی مقدار کیا ہے؟

ايك لاكھ نماز کی فضیلت حدود حرم میں

Thu, 13 Aug 2020 04:11:58 GMT

حدیث میں مسجد الحرام میں نماز پڑھنے کی فضیلت ایک لاکھ بیان ہوئی ہے۔ یہ فضیلت مسجد الحرام کے ساتھ خاص ہے یا حرم میں کہیں بھی نماز پڑھنے سے یہ فضیلت حاصل ہوجائے گی۔ رہنمائی فرمائیں۔ جزاک اللہ خیراً

نماز کے دوران خواتین کا لقمہ دینے کا حکم

Thu, 13 Aug 2020 03:28:51 GMT

فیملی تراویح میں خواتین کو لقمہ دینے کی اجازت ہے یا وہ تالی مار کر غلطی کی طرف صرف متوجہ کرسکتی ہیں؟

مسائل نماز

Thu, 30 Jul 2020 06:46:45 GMT

نماز میں وہ کونسی چیزیں ہیں کہ اگر وہ رہ جائیں تو نماز نہیں ہوتی، نماز دوبارہ پڑھنی پڑے گی؟ اسی طرح وہ کونسی چیزیں ہیں جن کے رہ جانے سے سجدہ سہو لازم ہوجاتا ہے، سجدہ سہو کرنے سے نماز ہوجائے گی؟ نیز وہ کون سی چیزیں ہیں کہ اگر وہ نماز میں رہ بھی جائیں تو نماز میں کوئی فرق نہیں پڑتا نماز ہوجاتی ہے؟

رکوع پالینے سے رکعت کا حکم

Tue, 28 Jul 2020 06:28:21 GMT

سوال یہ ہے کہ رکوع میں شامل ہونے سے رکعت ہوجاتی ہے؟ کسی نے ایک صاحب کا ایک کلپ شیئر کیا ہے جو اس سے اختلاف کررہے ہیں۔ اس بارے میں رہنمائی فرمائیں۔

وتر میں پڑھی جانے والی سورتیں

Tue, 28 Jul 2020 06:00:34 GMT

کیا طحاوی میں حضرت علی رضی اللہ تعالی عنہ سے وتر کی ان نو سورتوں کی ان ہی ترتیبوں کے ساتھ کوئی روایت موجود ہے؟ اگر ہے تو براہ کرم ہمیں بھیج دیں۔ سورتیں یہ ہے:

پہلی رکعت میں: سورۃ القدر، سورۃ الزلزال، سورۃ التکاثر

دوسری رکعت: سورۃ العصر، سورۃ الکوثر، سورۃ النصر

تیسری رکعت: سورۃ الکافرون، سورۃ اللھب، سورۃالاخلاص

نماز کے لیے کی جانے والی نیت

Tue, 28 Jul 2020 05:14:00 GMT

نماز کےلیے کی جانے والی نیت کے بارے میں ایک پوسٹ موصول ہوئی جس میں زاد المعاد کے حوالے سے علامہ ابن قیم رحمہ اللہ کا قول مذکور تھا، وہ فرماتے ہیں:’’نبی کریم ﷺ نماز کےلیے کھڑے ہوتے تو اللہ اکبر کہتے، ا س سے پہلے کچھ نہ کہتے، الفاظ سے نیت نہ کرتے، نہ یہ کہتے کہ میں الله کے لیے یہ نماز پڑھنے لگا ہوں، نہ یہ کہ منہ میرا کعبہ کی طرف، نہ یہ کہ میں چار رکعات پڑھنے لگا ہوں، نہ یہ کہتے کہ میں امامت کروارہا ہوں، نہ یہ کہ پیچھے اس امام کے، نہ یہ کہ یہ ادا نماز ہے یا قضا نماز ہے اور نہ یہ کہ یہ فرض کا وقت ہے۔ یہ ساری بدعات ہیں، نبی کریم ﷺ سے اس بارے میں کوئی روایت نہیں، نہ صحیح سند کے ساتھ اور نہ ضعیف سند کے ساتھ، نہ مسند اور نہ ہی مرسل، بلکہ نہ ہی آپﷺ کے صحابہ کرام رضوان اللہ علیہم اجمعین سے، نہ تابعین نے اسے اچھا کہا ہے اور نہ ہی ائمہ اربعہ رحمہم اللہ نے اسے اچھا کہا ہے۔ اس حوالے سے رہنمائی فرمائیے کیا یہ بات درست ہے؟

مصلیٰ میں نماز جمعہ

Wed, 15 Jul 2020 05:04:37 GMT

میں ایک مصلىٰ کا امام ہوں، میرا مصلى یعنی نماز کی جگہ ایک فلیٹ کے نیچے گراؤنڈ فلور کے فلیٹ کے کمروں کی دیواریں گراکر بنایا گیا ہے جس میں امام وموذن متعین ہے اور مصلى کاکچھ حصہ فلیٹ کےاحاطہ سےباہر بھی ہے اور امام کا مصلى بھی کچھ باہر کےاحاطے میں ہے اور ایک بات یہ واضح کردوں کہ ہمارے ہاں تقریبا 120 افراد کی گنجائش ہےاور فلیٹ کےقرب وجوار میں بڑی بڑی کافی ساری مساجد بھی ہیں جہاں بھرپور انداز میں جمعہ اداہوتا ہے، ہم نے مجبوراً لاک ڈاؤن کے دوران اس مصلی میں کچھ عرصہ جمعہ ادا کیا ہے۔ پوچھنا یہ ہے کہ ان تمام تفصیلات کے ساتھ کیا ہم اس مصلى میں مستقل جمعہ شروع کرواسکتے ہیں؟

نماز جنازہ میں ثناء اور سورۃ الفاتحہ

Wed, 15 Jul 2020 04:58:48 GMT

نماز جنازہ میں جو ثناء پڑھی جاتی ہے «سبحانک اللهم وبحمدک وتبارک اسمک وتعالی جدک وجل ثناءک ولا اله غیرک» اس میں «وجل ثناءک» احادیث سے ثابت ہے یا نہیں اگر ہے تو کوئی حوالہ مستند دیں۔ نیز یہ بھی بتائیں کہ نماز جنازہ میں سورہ الفاتحہ بطور قرات کے پڑھی جاسکتی ہے یا نہیں؟